ஒரே கூரையின்கீழ் சமூக சேவைகளை வழங்கும் மரீன் பரேட் வளாகம்

படம்: ஸ்ட்ரெய்ட்ஸ் டைம்ஸ்

01 Aug 2026 - 5:33 pm

2 mins read

மரீன் பரேட் வட்டாரத்தில் புதிதாகத் திறக்கப்பட்டுள்ள வளாகம் ஒன்று, ஒரே கூரையின்கீழ் பலதரப்பட்ட சமூக சேவைகளைக் குடியிருப்பாளர்களுக்கு வழங்குகிறது.

மரீன் பரேட் ரயில் நிலையத்துக்கு அருகே அமைந்துள்ள ‘தி எங்கர் @ மரீன் பரேட்’ வளாகத்தில் சமூக சேவை அமைப்புகள், அறநிறுவனங்கள் ஆகியவற்றுடன் கடைகளும் அமைந்துள்ளன.

சிங்கப்பூரில் நிலத்தடியில் அமைந்துள்ள இத்தகைய முதல் வளாகம் இது.

புதிய வளாகத்தில் உள்ள சிறப்பு வசதிகளைக் குடியிருப்பாளர்கள் பார்வையிட்டனர். - படம்: ஸ்ட்ரெய்ட்ஸ் டைம்ஸ்

கிட்டத்தட்ட 450 மீட்டர் நீளமுள்ள வளாகத்தில் ஃபெய் யீ சமூக சேவைகள், டச் சமூகச் சேவைகள், குவான் உணவு, பானக் கடை போன்றவற்றைக் காண முடியும்.

இவ்வாண்டு ஏப்ரல் 4ஆம் தேதி வளாகம் அதன் கதவுகளைத் திறந்தது.

2027ஆம் ஆண்டு அது முழுமையாகச் செயல்படும் என்று எதிர்பார்க்கப்படுகிறது.

‘தி எங்கர் @ மரீன் பரேட்’ வளாகத்தில் தற்போது ஒன்பது சமூக சேவை அமைப்புகளும் அறநிறுவனங்களும் செயல்படுகின்றன.

இன்னும் ஓர் அமைப்பு அங்குச் சேர்க்கப்படும் என்று எதிர்பார்க்கப்படுகிறது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சிறைத் தண்டனை விதிக்கப்பட்டவர்களில் ஒருவரான கார்சியா இக்லேசியாஸ் ஹெக்டர் டேனியல்.

தரைவீடுகளுக்குள் அத்துமீறி நுழைந்து கொள்ளையடித்த மூவருக்குச் சிறை

22 Oct 2026 - 8:50 PM

வியாழக்கிழமை (அக்டோபர் 22) நண்பகல் வாக்கில் சிங்கப்பூர் முழுவதும், ஒரு மணி நேரத்துக்கான காற்றுத் தூய்மைக்கேட்டுக் குறியீடு 19க்கும் 45க்கும் இடைப்பட்டிருந்தது.

சிங்கப்பூரில் 18 நாள்களுக்குப்பின் மேம்பட்டுள்ள காற்றுத்தரம்

22 Oct 2026 - 2:29 PM

இணையத்தில் மிகவும் பரவலாகப் பயன்படுத்தப்படும் நிரலாக்க மொழிகளில் ஒன்று பிஎச்பி (PHP) ஆகும்.

சிங்கப்பூர் நிறுவனங்கள், முக்கியமான ‘பிஎச்பி’ பாதிப்புகள் குறித்து அவசர நடவடிக்கை எடுக்க வலியுறுத்து

22 Oct 2026 - 7:39 PM

நாம் தமிழர் கட்சியின் ஒருங்கிணைப்பாளர் சீமான்.

தவெக அரசை எதிர்த்து தமிழக மாநிலத் தலைநகர்களில் போராட்டம்

22 Oct 2026 - 5:26 PM

புதிய வளாகத்தைப் பற்றியும் அதற்கு அருகில் உள்ள வர்த்தகங்கள், சமூக வசதிகள் பற்றியும் அறிந்துகொள்ள சனிக்கிழமை (ஆகஸ்ட் 1) குடியிருப்பாளர்களுக்குச் சிறப்பு நடை ஒன்று ஏற்பாடு செய்யப்பட்டது.

ஒரே கூரையின்கீழ் உள்ள பல்வேறு சமூக சேவை அமைப்புகள் இணக்கமாகச் செயல்பட முடியும் என்று தெரிவித்தார் மரீன் பரேட்- பிரேடல் ஹைட்ஸ் குழுத்தொகுதிக்கான நாடாளுமன்ற உறுப்பினர் கோ பெய் மிங்.

சமுதாய, குடும்ப மேம்பாட்டு மூத்த துணையமைச்சருமான திரு கோ, நிகழ்ச்சியில் பங்கேற்ற குடியிருப்பாளர்களுடன் சிறப்பு நடையில் கலந்துகொண்டார்.

புதிய வளாகம் பலதரப்பட்ட ஆதரவை வழங்குகிறது. - படம்: ஸ்ட்ரெய்ட்ஸ் டைம்ஸ்

“குடும்பங்கள் பெரும்பாலும் தனிப்பட்ட சிக்கல்களை எதிர்கொள்வதில்லை.

“எனவே, ஒரே இடத்தில் அனைத்துச் சேவைகளையும் அவற்றால் பெற முடியும்,” என்றார் திரு கோ.

புதிய வளாகத்தில் உள்ள சமூக சேவை அமைப்புகள், ஆலோசனையிலிருந்து, முன்னாள் கைதிகளைச் சமூகத்தில் ஒருங்கிணைப்பதற்கான ஆதரவு, பராமரிப்பாளர் ஆதரவு, உடற்குறையுள்ளோருக்கு வேலை தேடித் தருவதற்கான ஆதரவு ஆகியவற்றை வழங்குகிறது.

அத்துடன், தொண்டூழியர்கள் நடத்தும் நன்கொடைக் கடை, பொருள்கள் விற்பனை செய்யும் கடைகள், உணவு, பானக் கடைகள், மூத்தோருக்கு உகந்த உடற்பயிற்சிக் கூடம் ஆகிய வசதிகளையும் புதிய வளாகம் கொண்டுள்ளது.