மாணவர் முரசு
இ-பேப்பர்
தேசிய வளர்ச்சி அமைச்சர் சீ ஹொங் டாட் நாடாளுமன்றத்தில் கேட்ட கேள்வியை ‘முட்டாள்தனமானது’ என்று சொன்ன பாட்டாளிக் கட்சி உறுப்பினர் கென்னத் டியோங் திரு சீயிடம் மன்னிப்புக் கேட்டுள்ளார்.
திரு டியோங்கின் நடத்தை வருத்தமளிப்பதாகக் கூறிய மன்ற நாயகர் சியா கியென் பெங், உறுப்பினர்கள் அனைவரும் கண்ணியத்துடன் நடந்துகொண்டு ஒழுங்கைக் கடைப்பிடிக்கும்படி நினைவூட்டினார்.
அல்ஜுனிட் குழுத்தொகுதி நாடாளுமன்ற உறுப்பினரான திரு டியோங் கூறிய மன்னிப்பைத் திரு சீ ஏற்றுக்கொள்வதாகக் கூறினார்.
குடும்ப அலுவலகங்கள், தடைசெய்யப்பட்ட நிறுவனங்கள் குறித்த விவாதத்தின்போது திரு சீ முன்வைத்த கேள்வியைத் திரு டியோங் ‘முட்டாள்தனமான கேள்வி’ என்றார்.
புதன்கிழமை (நவம்பர் 5) நடந்த நாடாளுமன்றக் கூட்டத்தில் இச்சம்பவம் நடந்தது.
