மாணவர் முரசு
இ-பேப்பர்
வாகன நுழைவு அனுமதி வில்லையைப் (விஇபி) பெறுவதற்காக வாரக்கணக்கில் காத்திருக்கும் வாகன ஓட்டிகள் கவலைப்பட வேண்டியதில்லை. சிங்கப்பூர் முகவரிகளுக்கு இந்த அனுமதி வில்லைகளை வழங்குவதற்குப் பொறுப்பான மலேசிய நிறுவனம், இங்குள்ள வாகன ஓட்டிகளை நேரில் வந்து பெற்றுக்கொள்ள அனுமதித்துள்ளது.
தோ பாயோவில் உள்ள அலுவலகத்தில் இருந்து அனுமதி வில்லைகளைப் பெறுவதற்கு முன், சிட்டி-லிங்க் எக்ஸ்பிரஸ் நிறுவனத்துடன் சந்திப்புக்கு முன்பதிவு செய்து அவர்கள் அவ்வாறு பெற்றுக்கொள்ளலாம்.
அக்டோபர் 1 முதல், மலேசியாவிற்குள் நுழையும் அனைத்து வெளிநாட்டில் பதிவு செய்யப்பட்ட வாகனங்களும் விஇபி அனுமதி வில்லைகளை வைத்திருக்க வேண்டும்.
வாகன ஓட்டிகள் மலேசியாவின் சாலைப் போக்குவரத்துத் துறை (ஜேபிஜே) இணையத்தளத்தில் அனுமதி வில்லை ஒன்றைப் பெற விண்ணப்பிக்கலாம். அவர்கள் அவ்வாறு செய்யும்போது, அதை நேரில் பெற்றுக்கொள்ளலாம் (உட்லண்ட்ஸ் மற்றும் ஜோகூர் பாருவில் உள்ள விஇபி அலுவலகங்களில்) அல்லது அவர்கள் அதை தங்களுக்கு எவ்வாறு வழங்குவது என்பதைத் தேர்வு செய்யலாம்.
ஆனால் எந்த முறையில் வழங்கப்பட வேண்டும் என்று தேர்வு செய்யும் வாகன ஓட்டிகள், அனுமதி வில்லைகளைப் பெற வாரக் கணக்கில் காத்திருக்க வேண்டியிருப்பதாகப் புகார் தெரிவித்துள்ளனர்.
சிட்டி-லிங்க் எக்ஸ்பிரஸின் கணக்கு மேலாளர் ஜூலியானா சாஹுல் ஹமீட் கூறுகையில், “நிறுவனம் அதிகமான விஇபி அனுமதி வில்லை விண்ணப்பங்களைப் பெற்றுள்ளது. இது பகுதி பகுதியாகச் செயலாக்கப்பட்டு, வழங்கப்படுகின்றன.
“சிங்கப்பூரில் அனுமதி வில்லைகளைப் பெற்றவுடன் இரண்டு வாரங்களுக்குள் அவற்றை வழங்க நாங்கள் முயற்சி செய்கிறோம். நாள்தோறும் அதிக அளவில் விண்ணப்பங்கள் வருவதால் அனுமதி வில்லைகளைப் பெறுவதில் தாமதங்கள் ஏற்படலாம்,” என்று கூறினார்.
செப்டம்பர் முதல், வாகன ஓட்டிகள் தங்கள் அனுமதி வில்லைகளை நேரில் பெற்றுக்கொள்ள நிறுவனம் அனுமதித்துள்ளதாக தி ஸ்ட்ரெய்ட்ஸ் டைம்ஸிடம் திருவாட்டி ஜூலியானா கூறினார்.
தொடர்புடைய செய்திகள்
வில்லைகள் பெறும் முறையைத் தேர்ந்தெடுக்கும் ஒரு வாகன ஓட்டிக்கு அவரது அனுமதி வில்லையின் இருப்பிட நிலையைக் காட்டும் கண்காணிப்பு எண் வழங்கப்படும்.
அனுமதி வில்லை சிங்கப்பூருக்கு வந்தவுடன், நிறுவனத்திடம் இருந்து அதைப் பெறுவதற்கு முன்பதிவு செய்ய, ஒருவர் தனது முழுப் பெயர், முகவரியுடன், கண்காணிப்பு எண் உட்பட, சிட்டி-லிங்க் எக்ஸ்பிரசுக்கு customerservice@citylinkexpress.com.sg என்ற முகவரிக்கு மின்னஞ்சல் அனுப்பலாம்.
மின்னஞ்சல் கிடைத்ததைத் தெரிவிக்கும் பதில் மின்னஞ்சல் கிடைத்தவுடன், குறிப்பிட்ட நேரத்தில் 1004 Toa Payoh North அலுவலகத்தில் வாகன ஓட்டுநர் தனது விஇபி-ஐப் பெற்றுக்கொள்ளலாம்.