மாணவர் முரசு
இ-பேப்பர்
இந்த ஆண்டு தேசிய தின அணிவகுப்பு, நாட்டின் பன்முகத்தன்மைக்கும், துடிப்பை எடுத்துக்காட்டும் விதத்திற்கும், அதை உள்ளடக்கிய கொண்டாட்டமாக மாற்றுவதற்கான முயற்சிக்கும் சிறந்த எடுத்துக்காட்டாக இருந்தது என்று அதிபர் தர்மன் சண்முகரத்னம் தெரிவித்துள்ளார்.
வெள்ளிக்கிழமை (ஆகஸ்ட் 29), சிங்கப்பூர் தேசிய கலைக்கூடத்தில் நடைபெற்ற நன்றி தெரிவிக்கும் நிகழ்ச்சியில் சுமார் 250 அணிவகுப்புப் பங்கேற்பாளர்களிடம் பேசிய அவர், தேசிய தின அணிவகுப்பு 2025 உணர்வுபூர்வமான முறையில் அமைந்திருந்தது என்று மேலும் கூறினார்.
தேசிய தின அணிவகுப்பு ஏற்பாட்டுக் குழு, நிகழ்ச்சி படைப்பாளர்கள், நிகழ்ச்சி கலைஞர்கள், அணிவகுப்புக் குழுவினர், நடனமணிகள் ஆகியோரும் நன்றி தெரிவிக்கும் நிகழ்ச்சியில் கலந்துகொண்டனர்.
“கலைஞர்கள், நிகழ்ச்சியில் பங்கேற்ற சிங்கப்பூரர்கள், அணிவகுப்பு அங்கங்களைத் தயாரித்த குழுவினர் முதலியோர் நமது சிங்கப்பூர் கதையைப் பன்முகத்தன்மையுடனும் துடிப்புடனும் எடுத்துக்காட்டினர்,” என்று அதிபர் தர்மன் கூறினார்.
இந்த ஆண்டு அணிவகுப்பு, இதற்கு முன்பு இருந்த பல அணிவகுப்புகளைப் போலவே, ஒரு கொண்டாட்டத்தை விட மிகவும் ஆழமானதாக இருந்தது என்று அதிபர் தர்மன் கூறினார்.
“மேடையில் இருந்தாலும் சரி, திரைக்குப் பின்னால் இருந்தாலும் சரி, அல்லது எந்தவொரு திறனிலும் தன்னார்வத் தொண்டு செய்தாலும் சரி, அவர்கள் நீங்கள் ஒவ்வொருவரும் நாம் யார், நாம் ஒன்றாக இருக்க விரும்புகிறோம் என்ற உணர்வை வலுவாக வெளிப்படுத்தினர்,” என்றும் விவரித்தார்.
இந்த ஆண்டு அணிவகுப்பில் பங்கேற்ற 16,000க்கும் மேற்பட்ட பங்கேற்பாளர்கள், தன்னார்வலர்கள் மற்றும் ஏற்பாட்டுக் குழுவனருக்கும் அவர் நன்றி தெரிவித்தார். மேலும் நாட்டின் 60வது பிறந்தநாளின்போது பல முதன்மையான நிகழ்வுகளைப் பற்றிக் குறிப்பிட்டார்.
“இந்த ஆண்டு தேசிய தின அணிவகுப்பின், ‘மஜுலா சிங்கப்பூரா’, கருப்பொருள் எளிமையானது, ஆனால் காலத்தால் அழியாதது. அது நமது வைர விழாவிற்குப் பொருத்தமான கருப்பொருள்.
தொடர்புடைய செய்திகள்
“இது நமது முன்னோடிகளின் காலங்களிலிருந்து தொடங்கி, ஒவ்வொரு புதிய தலைமுறையினராலும் தங்கள் சொந்த வழிகளில் மீண்டும் உருவாக்கப்பட்ட சாகசம், மீள்தன்மை, ஒற்றுமை ஆகியவற்றின் நீடித்த உணர்வாகும்,” என்றும் அதிபர் தர்மன் தெரிவித்தார்.