சிங்கப்பூரில் புதுப்புது தொழில்நுட்பங்களை மேம்படுத்த புதிய $300 மி. மானியம்

சிங்கப்பூரில், நிறுவனங்கள் முதலீடு செய்யக்கூடிய தொழில்நுட்பங்களை மாற்ற உதவும் ஆய்வுகளுக்காக $300 மில்லியன் மதிப்பிலான புதிய மானியம் உருவாக்கப்பட்டுள்ளது.

இந்தத் தொழில்நுட்பங்கள் வணிகமயமாக்கப்படும் வரை மானியம் ஆதரவளிக்கும் என்று தேசிய ஆய்வு அறநிறுவனம் (என்ஆர்எஃப்) தெரிவித்தது.

இம்மானியத்தின்கீழ் ஒவ்வொரு திட்டத்திற்கும் $2 மில்லியன் வரை நிதியுதவி வழங்கப்படும். ஆற்றல்மிக்க, சிறந்த வகையில் செயல்பட்டுள்ள புதிய நிறுவனங்களை உருவாக்கும் அமைப்புகளின் ஆதரவுபெற்ற திட்டங்களுக்கு $3 மில்லியன் வரை நிதி கிடைக்க வாய்ப்பு உள்ளது.

தொழில்நுட்பத்தை முழுமையாக செயல்படுத்தி முடிக்கும் வரை ஆய்வாளர்களுக்கு இந்த நிதி வழிகாட்டியாகவும் இருக்கும்.

இம்மானியத்திற்கான விண்ணப்பங்கள் செப்டம்பரில் தொடங்குகின்றன.

தொழில்நுட்பத்தின் ஆற்றல், தனித்துவம், சந்தைகளின் தேவை போன்ற காரணங்களின் அடிப்படையில் விண்ணப்பங்கள் மதிப்பீடு செய்யப்படும்.

ஆகஸ்ட் 31 அன்று முழுமையாக வெளியிடப்பட்ட ‘ஆய்வு, புத்தாக்கம், தொழில்முனைப்பு 2030’ திட்டத்தின் ஒரு பகுதியாக இந்த மானியம் அறிவிக்கப்பட்டுள்ளது.

ஆய்வு, புத்தாக்கம், தொழில்முனைப்பு மன்றத்தின் தலைவருமான மூத்த அமைச்சர் லீ சியன் லூங், அடுத்த ஐந்தாண்டுகளில் ஆய்வு, புத்தாக்கம், தொழில்முனைப்புக்காக சிங்கப்பூர் சாதனை அளவாக $37 பில்லியனை, அதாவது நாட்டின் மொத்த உள்நாட்டு உற்பத்தியில் சுமார் ஒரு விழுக்காட்டை முதலீடு செய்யும் என்று 2025 டிசம்பரில் அறிவித்திருந்தார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

முஸ்தஃபா சென்டரில் வங்கி அட்டை விவரங்களை ரகசியமாகத் திருடியவர் கைது

20 Oct 2026 - 2:52 PM

ஆசியப் பணக்காரர்கள் தொழிலை அடுத்த தலைமுறையிடம் ஒப்படைப்பதில் சிக்கல்

20 Oct 2026 - 7:03 PM

இடைத்தேர்தலில் போட்டியிட்ட நாதக நிர்வாகி கார்த்திகா கைது

20 Oct 2026 - 4:58 PM

சிங்கப்பூரில் விலைவாசி அதிகரிக்கும் என பெரும்பாலான குடும்பங்கள் கணிப்பு: ஆய்வு

20 Oct 2026 - 2:31 PM

இது, ஆர்ஐஇ2025 திட்டத்தின்கீழ் ஒதுக்கப்பட்ட $28 பில்லியனைவிட அதிகம்.

1991ஆம் ஆண்டிலிருந்து சிங்கப்பூரின் ஆய்வு, உருவாக்கத்திற்கு $125 பில்லியனுக்கும் அதிகமாக முதலீடு செய்யப்பட்டுள்ளது.

ஆகஸ்ட் 28ஆம் தேதி நடைபெற்ற அதிபர் அறிவியல், தொழில்நுட்ப விருதுகள் வழங்கும் விழாவில் பேசிய தேசிய ஆய்வு அறநிறுவனத்தின் தலைவரான ஹெங் சுவீ கியட், ‘ஆர்ஐஇ2030’ திட்டம் மூன்று முக்கிய பகுதிகளில் கவனம் செலுத்தும் என்றார்.

“முதலில், தேர்ந்தெடுக்கப்பட்ட தேசியப் பொருளியல் மற்றும் உத்திபூர்வ முன்னுரிமைகளுக்கு கணிசமான பங்களிப்பை வழங்குவது; இரண்டாவதாக, முக்கிய துறைகளின் வளர்ச்சிக்கான முதலீடுகளைத் தொடர்ந்து தக்கவைப்பது; மூன்றாவதாக, நமது அடிப்படை ஆராய்ச்சிக்கான திறன்களை அதிநவீன நிலையில் வைத்திருப்பது,” என்று அவர் குறிப்பிட்டார்.