மாணவர் முரசு
இ-பேப்பர்
சிங்கப்பூரில் உள்ள ஏழு காவல்துறைத் தரைப்பிரிவுகளில் ஒன்றான கிளமெண்டி காவல் பிரிவுக்கு விரைவில் புதிய தளபதி பொறுப்பேற்கவுள்ளார். உதவி காவல் ஆணையர் ஆலன் யூ கா கியோங், ஜூன் 8ஆம் தேதியன்று அப்பொறுப்பை ஏற்க உள்ளார்.
41 வயதான உதவி காவல் ஆணையர் யூ, 51 வயதான மூத்த உதவி காவல் ஆணையர் (SAC) செரீன் சியு லீ லிங்கிடமிருந்து பொறுப்பேற்பார். செரீன் சியு லீ லிங், அதே நாளில் போக்குவரத்துக் காவல்துறையின் தளபதியாகப் பொறுப்பேற்பார்.
முன்னதாக, ஏப்ரல் 10ஆம் தேதியன்று, முன்னாள் போக்குவரத்துக் காவல் துறை தளபதி டேனியல் டான் சின் ஹெங், சூதாட்ட ஒழுங்குமுறை ஆணையத்தின் தலைமை நிர்வாக அதிகாரியாக ஜூன் 2ஆம் தேதியன்று நியமிக்கப்படுவார் என்று உள்துறை அமைச்சு அறிவித்தது.
ஏசி யூ, 2009ல் சிங்கப்பூர் காவல்துறையில் சேர்ந்தார். கடந்த 17 ஆண்டுகளில், உள்துறை அமைச்சின் கூட்டு நடவடிக்கைக் குழுவில் ஒழுங்குமுறைச் செயல்பாடுகள் மற்றும் கொள்கைக்கான துணை இயக்குநர், அங் மோ கியோ காவல்துறைப் பிரிவின் துணைத் தளபதி போன்ற பல்வேறு முக்கியப் பதவிகளை அவர் வகித்துள்ளார்.
பதவி விலகும் எஸ்ஏசி சியு, ஆகஸ்ட் 2022ல் அப்பிரிவின் தளபதியாகப் பொறுப்பேற்றார். அன்று முதல், சிறந்த நிலப்பிரிவுப் போட்டியில் கிளமெண்டி நிலப்பிரிவு முதல் மூன்று இடங்களைப் பெற அவர் வழிநடத்தி வருகிறார். சிங்கப்பூர் காவல்துறையில் அவர் பணியாற்றிய 27 ஆண்டுகளில், பொது விவகாரத் துறையின் இயக்குநர் போன்ற பல முக்கியப் பதவிகளை வகித்துள்ளார்.
