மாணவர் முரசு
இ-பேப்பர்
ஸ்டோம்ப் மின்னிலக்கச் செய்தித் தளத்துடன் த நியூ பேப்பர் இணைக்கப்பட்டுள்ளது.
இந்த மாற்றம் வியாழக்கிழமை (அக்டோபர் 30) நடப்புக்கு வந்தது.
புதிய வாசகர்களை ஈர்க்கும் இலக்குடன் ஸ்டோம்ப்பின் இணையப்பக்கம் புதுப்பிக்கப்படும் என்று தெரிவிக்கப்பட்டுள்ளது.
மாற்றங்கள் கொண்டு வரப்பட்டாலும் ஸ்டோம்ப், சமூகத்தை மையமாகக் கொண்ட செய்திகளுக்குத் தொடர்ந்து முக்கியத்துவம் கொடுக்கும் என்றும் செய்திகளைத் துணிவுடன் பதிவிடுவதில் இவ்வளவு காலம் கையாண்டு வந்த அணுகுமுறையை அது தக்கவைத்துக்கொள்ளும் என்றும் தெரிவிக்கப்பட்டது.
புதுப்பிக்கப்படும் இணையப்பக்கம் ஸ்டோம்ப்பின் சின்னத்தைக் கொண்டிருக்கும். அத்துடன் வாசகர்கள் பங்கேற்கும் ஆய்வுகள் போன்ற அம்சங்களும் சேர்க்கப்படும்.
பதிவிடப்படும் செய்திகள் வாசகர்களுக்கு மேலும் சிறப்பான முறையில் சென்றடைந்து அவர்களுக்குத் தேவையானவற்றை மேலும் துரிதமான முறையில் வழங்க தனது செய்தித் தளங்கள் அடிக்கடி புதுப்பிக்கப்படுவதாக எஸ்பிஎச் மீடியா வியாழக்கிழமையன்று (அக்டோபர் 30) தெரிவித்தது.
இதன் ஒரு பகுதியாகவே ஸ்டோம்ப்புடன் த நியூ பேப்பர் இணைக்கப்பட்டுள்ளதாக அது கூறியது.
“த நியூ பேப்பர் 1988லும் ஸ்டோம்ப் 2006லும் அறிமுகப்படுத்தப்பட்டன. இளைய வாசகர்களின் தேவைகளுக்கு ஏற்ப இவ்விரு செய்தித் தளங்களை மறுவடிவமைப்பதற்கான நேரம் கனிந்துவிட்டது. புதிய வாசகர்களை ஈர்ப்பதே இலக்கு,” என்று எஸ்பிஎச் மீடியா தெரிவித்தது.
தொடர்புடைய செய்திகள்
புதுப்பிக்கப்படும் ஸ்டோம்ப் செய்தித் தளத்துக்கு திருவாட்டி ஜோய் ஃபாங் ஆசிரியராகப் பொறுப்பேற்பார். இவர் இவ்வாண்டு ஏப்ரல் மாதம், எஸ்பிஎச் மீடியாவில் மீண்டும் இணைந்தார்.
2018ஆம் ஆண்டுக்கும் 2019ஆம் ஆண்டுக்கும் இடைப்பட்ட காலகட்டத்தில் அவர் எஸ்பிஎச் சஞ்சிகைகள் (மெகசின்ஸ்) பிரிவில் பணியாற்றினார். 2008ஆம் ஆண்டுக்கும் 2013ஆம் ஆண்டுக்கும் இடைப்பட்ட காலகட்டத்தில் அவர் மை பேப்பரில் பணியாற்றினார்.
திருவாட்டி ஃபாங், எம்எஸ் நியூசின் முன்னாள் ஆசிரியர்.
த நியூ பேப்பரின் ஊழியர்கள் அனைவரும் ஸ்டோம்ப்பின் செய்திக் குழுவுடன் இணைவர் என்று தெரிவிக்கப்பட்டுள்ளது.