புத்தாண்டு டோட்டோ குலுக்கல்: $8 மில்லியன் பரிசைப் பகிரும் 3 சீட்டுகள்

புத்தாண்டு டோட்டோ குலுக்கலில் கிட்டத்தட்ட $8 மில்லியன் பரிசுத்தொகையை மூன்று வெற்றிச் சீட்டுகள் பகிர்ந்துகொண்டுள்ளன.

வெள்ளிக்கிழமை (ஜனவரி 2) இரவு நடந்த இந்தக் குலுக்கலில் 11, 18, 20, 32, 38, 39 ஆகியவை வெற்றி எண்கள். உபரி எண் 34.

வெள்ளிக்கிழமை (ஜனவரி 2) இரவு நடந்த டோட்டோ குலுக்கலில் தேர்வுசெய்யப்பட்ட வெற்றி எண்களும் உபரி எண்ணும். - படம்: சாவ் பாவ்

ஜனவரி 2 டோட்டோ குலுக்கலுக்கான பரிசுத்தொகை ஆரம்பத்தில் $5 மில்லியனாக இருந்தது. ஆனால், அதற்கு முந்தைய குலுக்கலில் முதல் பரிசை எவரும் வெல்லாததால், பரிசுத்தொகை $6.8 மில்லியனாக உயர்ந்தது.

இறுதியாக, முதல் பரிசு ஏறக்குறைய $7.9 மில்லியனாகக் கூடியது. இதில் ஒவ்வொரு வெற்றிக் குலுக்கல் சீட்டுக்கும் $2,653,368 கிடைத்தது.

வெற்றிச் சீட்டுகளில் ஒன்று ‘குவிக்பிக் சிஸ்டம் 7 என்ட்ரி’ மூலம் வாங்கப்பட்டது. மற்றொன்று ‘ஐடோட்டோ சிஸ்டம் 12’ மூலமும் மூன்றாவது சீட்டு அப்பர் பூன் கெங் சாலையில் உள்ள சிங்கப்பூர் பூல்ஸ் கிளையிலும் வாங்கப்பட்டன.

மொத்தம் 12 எண்களைக் கொண்டுள்ள ‘ஐடோட்டோ’ சீட்டு, 28 பங்குகளாகப் பிரிக்கப்படுகிறது. ஒரு பங்கின் விலை $33 எனும் நிலையில், ஒருவர் எத்தனைப் பங்குகளை வேண்டுமானாலும் வாங்கலாம். 12 எண்களைக் கொண்டுள்ள வழக்கமான ‘சிஸ்டம் 12’ சீட்டின் விலை $924.

இதற்கிடையே, ஜனவரி 2 டோட்டோ குலுக்கலில் ‘குரூப் 2’ பிரிவில் 17 வெற்றியாளர்கள் இருந்தனர். இதில் ஒவ்வொருவரும் ஏறத்தாழ $98,000 வென்றனர்.