அடுத்த இரண்டு வாரங்களில் வெப்பம் அதிகரிக்கும்; மழை குறையக்கூடும்

ஜூலை மாதத்தின் கடைசி இரண்டு வாரங்களில் குறைந்த மழையும் அதிக வெப்பமும் இருக்கும் என்று சிங்கப்பூர் வானிலை ஆய்வகம் முன்னுரைத்துள்ளது.

வெப்பநிலை சில நாள்களில் 34 டிகிரி செல்சியஸ் வரை அதிகரிக்கக்கூடும். இதனால் சில நாள்களில் இரவு நேரங்களிலும் புழுக்கம் அதிகமாக இருக்கும்.

இரவு நேரங்களில் குறைந்தபட்ச வெப்பநிலை கிட்டத்தட்ட 28 டிகிரி செல்சியசாக இருக்கும்.

ஜூலை மாதத்தின் முதல் பாதியுடன் ஒப்பிடுகையில் இரண்டாம் பாதியில் வறண்ட வானிலை நிலவும்.

சில நாள்களில் காலை, பிற்பகல் நேரங்களில் அவ்வப்போது குறுகிய நேரத்துக்கு இடியுடன் கூடிய மழை பெய்ய வாய்ப்புள்ளது.