தந்தையின் முகத்தில் குத்திய இளையருக்குச் சீர்திருத்தப் பயிற்சி

1 mins read

சிறுவன் குறைந்தது ஓராண்டுக்குச் சீர்திருத்தப் பயிற்சியில் ஈடுபட வேண்டும். அங்கு அவனுக்குக் கட்டொழுங்கு பயிற்சிகளும் ஆலோசனைச் சேவையும் வழங்கப்படும். - படம்: பிக்சாபே

கைச்செலவுக்குக் கொடுக்கப்படும் பணம் தொடர்பாகத் தந்தையுடன் வாக்குவாதத்தில் ஈடுபட்ட சிறுவன், தந்தையைக் கத்தியால் தாக்க முயன்றதுடன் அவரது முகத்தில் குத்தினான்.

அப்போது அந்தச் சிறுவனுக்கு 15 வயது.

கிட்டத்தட்ட ஓராண்டு கழித்து, தமது தாய்மாமன் தமக்குப் பணம் தராததால் அச்சிறுவன் கத்தியை அவரது கழுத்தில் வைத்து மிரட்டினான்.

தற்போது அச்சிறுவனுக்கு 17 வயது.

திங்கட்கிழமையன்று (ஜனவரி 5) அவனுக்குச் சீர்திருத்தப் பயிற்சி விதிக்கப்பட்டது.

அதன்படி, அவன் குறைந்தது ஓராண்டுக்குச் சீர்திருத்தப் பயிற்சியில் ஈடுபட வேண்டும்.

அங்கு அவனுக்குக் கட்டொழுங்கு பயிற்சிகளும் ஆலோசனை சேவையும் வழங்கப்படும்.

தம்மீது சுமத்தப்பட்ட குற்றச்சாட்டுகளைச் சிறுவன் ஒப்புக்கொண்டான்.