தொழிற்சாலை உற்பத்தி செப்டம்பரில் 9.8% மெதுவான வளர்ச்சி

சிங்கப்பூரின் மொத்த உற்பத்தி செப்டம்பரில் தொடர்ந்து மூன்றாவது மாதமாக உயர்ந்தது. இருப்பினும், அதில் முக்கிய மின்னணுவியல் துறை மெதுவான வளர்ச்சியைக் கண்டது.

நேற்று வெளியிடப்பட்ட பொருளாதார வளர்ச்சிக் கழகத்தின் (இடிபி) தரவுகளின்படி, ஆகஸ்டில் இருந்த திருத்தப்பட்ட 22% உயர்விலிருந்து, மொத்த உற்பத்தி ஓர் ஆண்டுக்கு முன்பிருந்ததை விட 9.8 விழுக்காடாக அதிகரித்தது.

நிலையற்ற உயிர்மருத்துவ உற்பத்தியைத் தவிர்த்து, தொழிற்சாலை உற்பத்தி 4.5% உயர்ந்துள்ளது.

பருவத்துக்கேற்ப மாற்றியமைக்கப்பட்ட மாதாந்தர அடிப்படையில் பார்க்கையில், செப்டம்பரின் உற்பத்தி ஆகஸ்ட் மாதத்திலிருந்து பெரிய அளவில் மாறாமல் இருந்தது. உயிர்மருத்துவ உற்பத்தியைத் தவிர்த்து, இது 7.6% குறைந்துள்ளது.

ஆண்டுக்கு ஆண்டு அடிப்படையில், போக்குவரத்துப் பொறியியல் தவிர அனைத்துத் தொழில்துறைகளும் செப்டம்பரில் வளர்ச்சியைப் பதிவு செய்தன.

சிங்கப்பூரின் தொழிற்சாலை உற்பத்தியில் ஏறக்குறைய பாதியைக் கொண்டிருக்கும் மின்னணுவியல் துறையின் செப்டம்பர் மாத உற்பத்தி 1.9% அதிகரித்து, ஆகஸ்டில் 50% உயர்வைக் கண்டது.

மின்னணுவியல் துறையில், பகுதிமின்கடத்தி உற்பத்தி ஆண்டுக்கு 3.1% வளர்ச்சியடைந்தது. ஆகஸ்ட் மாதத்தின் 55.7% உயர்வுடன் ஒப்பிடுகையில், தகவல் தொடர்பு மற்றும் பயனீட்டாளர் மின்னணுவியல் பிரிவு 23% சுருங்கியது. இது முந்தைய மாதம் 28.5% வளர்ச்சியை மாற்றியது.

கணினிச் சாதனங்கள், தரவு சேமிப்பக உற்பத்தி 25.8% உயர்ந்தது. மற்ற மின்னணுத் தொகுதிகள் மற்றும் கூறுகள் 4.4% வளர்ந்தன.

தொடர்புடைய செய்திகள்

எண்ணெய் சாரா ஏற்றுமதி நவம்பரில் 14.6% சரிவு

ஒட்டுமொத்தமாக, மின்னணுவியல் துறை, முந்தைய ஆண்டின் இதே காலத்துடன் ஒப்பிடுகையில், 2024 ஜனவரி முதல் செப்டம்பர் வரையிலான காலகட்டத்தில் 4.6% வளர்ச்சியடைந்துள்ளது.

உயிர்மருத்துவ உற்பத்தித் துறையில் ஆண்டுக்கு ஆண்டு அடிப்படையில் உற்பத்தி 62% வளர்ச்சி கண்டுள்ளது. உற்பத்தி செய்யப்படும் செயலில் உள்ள மருந்துப் பொருள்கள், உயிரியல் தயாரிப்புகளின் அதிக உற்பத்தி ஆகியவற்றின் காரணமாக, மருந்துப் பிரிவானது 143.9% விரிவடைந்துள்ளது என்று இடிபி தெரிவித்துள்ளது.

இதற்கிடையே, மருத்துவச் சாதனங்களுக்கான தொடர்ச்சியான ஏற்றுமதி தேவையை பூர்த்தி செய்ய, மருத்துவத் தொழில்நுட்பப் பிரிவு 0.9% வளர்ச்சி கண்டுள்ளது. ஒட்டுமொத்தமாக, 2023ஆம் ஆண்டின் இதே காலகட்டத்துடன் ஒப்பிடுகையில், 2024ஆம் ஆண்டின் முதல் ஒன்பது மாதங்களில் உயிர்மருத்துவ உற்பத்திக் குழுமம் 13.8% சுருங்கியது.

செப்டம்பரில் உற்பத்தி 14.7% அதிகரித்து, துல்லியப் பொறியியல் துறையிலும் வளர்ச்சி காணப்பட்டது.

மறுபுறம் பார்க்கையில், இதர தொழில்கள் மற்றும் அச்சுப் பிரிவுகள் வீழ்ச்சியடைந்தன.

செப்டம்பரில் உற்பத்தியில் சரிவைப் பதிவு செய்த ஒரே தொழில்துறை போக்குவரத்துப் பொறியியல் ஆகும். இது 1.9% சரிந்தது.

விண்வெளிப் பிரிவு 2.9% சரிந்தது, அதே நேரத்தில் கடல் மற்றும் கடல்சார் பொறியியல் பிரிவு குறைந்த திட்ட மைல்கற்களை எட்டிய காரணத்தால் 9.8% சரிந்தது.

ஆனால் ஒட்டுமொத்தமாக, ஜனவரி முதல் செப்டம்பர் 2024 வரை, போக்குவரத்துப் பொறியியல் உற்பத்தி ஆண்டுக்கு 9.4% அதிகரித்தது.