மாணவர் முரசு
இ-பேப்பர்
பொது நிதியை எவ்வாறு செலவிடுவது என்பதில் சிங்கப்பூர் விவேகத்துடன் இருக்க வேண்டும். மேலும் தேவையான பரிமாற்றங்கள் குறித்து நேர்மையாக இருக்க வேண்டும் என்று பொது சேவைகளுக்கான ஒருங்கிணைப்பு அமைச்சர் சான் சுன் சிங் வெள்ளிக்கிழமை (செப்டம்பர் 26) நாடாளுமன்றத்தில் தெரிவித்தார்.
“இந்த தலைமுறையைக் கவனித்துக் கொள்ள அரசாங்கம் தன்னால் முடிந்த அனைத்தையும் கவனமாகச் செய்யும். ஆனால் எதிர்கால சந்ததியினரையும் நாம் கவனித்துக் கொள்ள வேண்டும் என்பதை மறந்துவிடக் கூடாது,” என்று தற்காப்பு அமைச்சருமான திரு சான் கூறினார்.
சிங்கப்பூரின் வலிமையான தற்காப்பு என்பது எந்த ஆயுதம் தொடர்பானது அல்ல. மாறாக அதன் மக்கள் தாங்கள் நம்பிக்கைகளுக்காகப் போராடுவதற்கான ஒற்றுமைதான் என்றும் அவர் தெரிவித்தார்.
“ஒன்றாகச் சேர்ந்து, நமது எதிர்காலத்தைப் பாதுகாக்க நாம் ஒருங்கிணைந்த தேசமாகப் பங்களிக்க வேண்டும்,” என்று அவர் அதிபர் உரை மீதான விவாதத்தை முடித்து வைத்துப் பேசினார்.
சிங்கப்பூர் ஆயுதப் படைகளை வலிமையாக்குவது எது என்று வெளிப்புற அமைப்புகள் தம்மிடம் கேட்டதாகக் கூறிய திரு சான், சிங்கப்பூருக்குத் தேவையானவற்றிலும் மக்கள் தொடர்பானவற்றிலும் முறையான முதலீடு நிச்சயமாக உதவியுள்ளது என்றார்.
“வேகமாக முன்னேறிச் செல்ல நமது திறன் மேம்பாடு மற்றும் கையகப்படுத்தல் செயல்முறைகளை நாம் மேம்படுத்த வேண்டும். சரியான நேரத்தில் செயல்படுவதும் பெரும்பாலும் முக்கியமானது,” என்று திரு சான் விளக்கினார்.
“ நமது உள்நாட்டு ஆற்றல்கள் மற்றும் திறனாளர்களை வலுப்படுத்துவதன் மூலமும், தனித்துவமான மதிப்பு முன்மொழிவுகளை உருவாக்குவதன் மூலமும், திறன் மேம்பாடு, தொழில்நுட்பப் புத்தாக்கம், விநியோகச் சங்கிலி மீள்தன்மை ஆகியவற்றில் தேர்ந்தெடுக்கப்பட்ட பங்குதாரராக நாம் நம்மை நிலைநிறுத்திக் கொள்வோம்,” என்று அமைச்சர் விவரித்தார்.
பொருளியல் ரீதியாக, சிங்கப்பூர் தனது நிலையைக் கட்டிக்காக்க வேண்டும் என்ற திரு சான், “யாரும் சிங்கப்பூருடன் யாரும் நன்கொடை எண்ணத்திலோ, அனுதாபத்திற்காகவோ அணுகுவதில்லை.
தொடர்புடைய செய்திகள்
“மிகவும் சிறப்பான பொருளியலுக்கு, சிங்கப்பூர் பன்முகப்படுத்தப்பட வேண்டும். இதில் அபாயங்கள் இருக்கும். மேலும் சிங்கப்பூருக்கு வெளியே உள்ள திறனாளர்களை ஈர்ப்பதும் அவர்களுடன் பணிபுரியும் திறனும் அடங்கும்,” என்று அவர் மேலும் கூறினார்.
“உலகம் மிகவும் ஆபத்தான இடமாக மாறும்போது, திறமையை நாம் ஈர்ப்பது நமது போட்டித்தன்மையை வலுப்படுத்தும்,” என்று அமைச்சர் கூறினார்.
குறைவான வளங்களைக் கொண்டவர்களுக்கு ஆதரவளிக்க சிங்கப்பூரர்கள் தங்கள் சொந்த முயற்சியில் பங்களிக்க வேண்டும். வரையறுக்கப்பட்ட வளங்களுடன், யாருக்கு அதிக உதவி கிடைக்க வேண்டும் என்பது குறித்து சிங்கப்பூர் ஒருமித்த சமூக கருத்துக்கு வர வேண்டும் என்று திரு சான் கூறினார்.
பொதுச் சேவை பற்றி கருத்துரைக்கையில், “பொதுச் சேவை சிறப்பாகச் செயல்படவும், அதன் வரையறுக்கப்பட்ட வளங்களைக் கொண்டு சிறப்பாகச் செயல்படவும் முயற்சிக்கும். இந்த மாற்றங்கள் அரசாங்க சேவைகளை மேலும் அணுகக்கூடியதாகவும் உதவியளிக்கக்கூடியதாகவும் உருமாற்றியுள்ளது,” என்று அமைச்சர் சான் தெரிவித்தார்.