சிங்கப்பூர் மாது உட்பட 14 பேர் மலேசியாவில் கைது

மலேசியாவில் இணையக் காதல் தில்லுமுல்லு தொடர்பில் சிங்கப்பூரரான ஒரு மாது உட்பட 14 சந்தேகப்பேர்வழிகள் கைதாகி இருக்கிறார்கள். அந்த 14 பேரும் 84 மாதர்களை வசியப்படுத்தி அவர்களிடம் இருந்து $11 மில்லியன் தொகையை ஏமாற்றி இருக்கிறார்கள் என்று கூறப்படுகிறது. பிடிபட்டவர்களில் 10 பேர் ஆடவர்கள். அந்த ஆடவர்களில் 9 பேர் நைஜீரியாவைச் சேர்ந்தவர்கள். ஒருவர் சியாரா லியோன் நாட்டைச் சேர்ந்தவர். கைதான நான்கு மாதர்களில் 43 வயது சிங்கப்பூரர் ஒருவர் என்றும் மற்ற மூவரும் மலேசியர்கள் என்றும் ‌ஷின் மின் டெய்லி செய்தித்தாள் தெரிவித்து இருக்கிறது.