பொருள் சேவை வரி மோசடியில் சிக்கிய முன்னாள் சுங்கத்துறை அதிகாரிகள்

பொருள் சேவை வரியை திரும்பப் பெறும் சுற்றுப்பயணிகள் சிலரிட மிருந்து மோசடி செய்ததாக இரண்டு முன்னாள் சுங்கத்துறை அதிகாரிகள் நேற்று நீதிமன்றத்தில் குற்றஞ்சாட்டப்பட்டுள்ளனர். லி ஜியாங்சிங், 34, பாங் யாவ் பியா, 61 இருவரும் $68,000க்கு மேல் மோசடி செய்துள்ளனர். நவம்பர் 2011 முதல் ஆகஸ்ட் 2012 வரை 54 குற்றங்களில் ஈடுபட்டு $52,441.17 பொருள் சேவை வரியை லி திரும்பப்பெற்றுள்ளார். செப்டம்பர் 2012 முதல் செப்டம்பர் 2014 வரை 43 குற்றங் களில் ஈடுபட்ட பாங் $16,015.86 தொகையைப் பெற்றுள்ளார். அவர் மீது ஊழல், போதைப் பொருள் கடத்தல் மற்றும் இதர கடும் குற்றங்கள் சட்டத்தின் கீழ் $10,553 சம்பந்தப்பட்ட 38 குற்றங்கள் சுமத்தப்பட்டன. சாங்கி விமான நிலையத்தின் பொருள் சேவை வரி திரும்பப் பெறும் இடத்தில் வேலை செய்த இருவரும் தனித்தனியே குற்றங் களைப் புரிந்ததாக ஸ்ட்ரெய்ட்ஸ் டைம்ஸ் கூறியது.