உட்லண்ட்ஸில் கொழுந்துவிட்டு எரிந்த டாக்சி

உட்லண்ட்ஸ் அவென்யூ 2, உட்லண்ட்ஸ் அவென்யூ 5 சந்திப்பில் நேற்றுக் காலை டாக்சி ஒன்று தீப்பற்றியது. டாக்சியின் ஓட்டுநர் காயங்கள் ஏது மின்றி தப்பினார். சிங்கப்பூர் குடிமைத் தற்காப்புப் படைக்கு இது குறித்த தகவல் காலை 9 மணியளவில் கிடைத்தது. 'எஸ்ஜிரோட் புளோக்ஸ்/ டிராஃபிக் நியூஸ்' காணொளியில் சில்வெர்கேப் நிறுவன டாக்சி ஒன்றின் முன்பகுதி தீயில் கொழுந்துவிட்டு எரிவது தெரிந்தது. தீப்பற்றுவதற்கு முன்பாக டாக்சியின் ஓட்டுநர் அதில் இருந்து வெளியேறிவிட்டார். தீயை குடிமைத் தற்காப்பு அதிகாரிகள் தண்ணீரைப் பீய்ச்சியடித்து அணைத்தனர். இந்த சம்பவத்தில் யாருக்கும் காயமில்லை.