5 வாகனங்கள் மோதியதில் 2 பேர் காயம்

தெம்பனிஸ் விரைவுச் சாலையில் நேற்று முன்தினம் காலை சுமார் 11 மணிக்கு ஐந்து வாகனங்கள் மோதிய விபத்தில் இருவர் காயமுற்றனர். ஒரு கனரக வாகனம், ஒரு எஸ்பிஎஸ் பேருந்து, இரு லாரிகள், ஒரு கார் ஆகியவை ஒன்றன்மீது ஒன்று மோதியதில் கனரக வாகனத்தை ஓட்டிய 50 வயது ஆடவரும் காரில் பயணியாக இருந்த 18 வயது பெண்ணும் காயமடைந்தனர். இருவரும் சாங்கி பொது மருத்துவ மனைக்குக் கொண்டு செல்லப்பட்டதாக போலிஸ் தெரிவித் தது. சம்பவம் குறித்து போலிஸ் விசாரணை தொடர்கிறது.