தேசிய பாதுகாப்பு ஆற்றலை மேம்படுத்த புதிய அறிவியல், தொழில்நுட்ப அமைப்பு

தேசிய பாதுகாப்பு ஆற்றலை மேம்படுத்தும் நோக்கில், உள்­துறை அமைச்சின்கீழ் புதிய அறிவியல், தொழில்நுட்ப அமைப்பு ஒன்று அமைக்கப்பட உள்ளது. அந்த அமைப்பு இவ்வாண்டு அமைக்கப்படும். எல்லைப் பாதுகாப்பு, முக்கிய உள்கட்ட­மைப்பு­ களைப் பாதுகாப்பது உள்ளிட்ட அம்சங்களில் ஆய்வு, கொள்­முதல் பணிகளுக்கு அந்த அமைப்பு பொறுப்பு வகிக்கும். உள்துறை குழுவின் செயல்­பாட்டு தேவைகளுக்கு ஆதரவு வழங்குவதற்கு அறிவியல், தொழில்நுட்ப ஆற்றலை உரு­வாக்க அமைப்பு ஒன்றை அமைப்பது குறித்து தான் ஆராய்ந்து வருவதாக ஸ்ட்ரெட்ஸ் டைம்ஸ் நாளிதழிடம் உள்துறை அமைச்சு கடந்த புதன்கிழமை தெரிவித்தது. "சிங்கப்பூரை பாதுகாப்பதற்கு உள்துறை குழுவிடம் உள்ள திறனை இந்த அறிவியல், தொழில்நுட்ப ஆற்றல்கள் வலுப்­படுத்தும். "இது குறித்த கூடுதல் விவரங்கள் தயாராகும்போது அவை அறிவிக்கப்படும்," என்று உள்துறை அமைச்சின் பேச்சாளர் ஒருவர் தெரிவித்தார்.