விதிமீறல்: லிட்டில் இந்தியாவில் 10 மதுபானக் கடைகள் சிக்கின

தடை விதிக்கப்பட்ட நேரத்தில் மதுபானம் விற்றதாக லிட்டில் இந்தியா வட்டாரத்திலுள்ள பத்து மதுபானக் கடைகள் பிடிபட்டுள் ளன. 
அவ்வட்டாரத்தில் இம்மாதம் 5ஆம் தேதி முதல் 27ஆம் தேதி வரை 18 மதுபானக் கடைகளை அதிகாரிகள் சோதனையிட்டதில் விதிமீறல் கண்டுபிடிக்கப்பட்டதாக போலிஸ் நேற்று வெளியிட்ட அறிக்கையில் தெரிவிக்கப்பட்டது.
பிடிபட்டுள்ள பத்து கடைகளுள் மூன்று ஏற்கெனவே குற்றமிழைத்து சிக்கியவை என்றும் சில கடைகள் கட்டுப்படுத்தப்பட்ட நேரங்களில் கடைகளுக்குள் மது அருந்த வாடிக்கையாளர்களை அனுமதித்ததாகவும் அறிக்கை குறிப்பிட்டது.
பத்து கடைகளின் உரிமையாளர்களிடமும் விசாரணை தொடருகிறது.