மின்படிகளில் விபத்து; பெண், பிள்ளைகள் காயம்

சாங்கி விமான நிலையத்திலுள்ள எம்ஆர்டி ரயில் நிலையத்தின் மின்படிகளில் நடந்த விபத்தில் ஒரு பெண்ணும் அவரது பிள்ளைகளும் காயமடைந்துள்ளனர். இந்தச் சம்பவம் ஜனவரி 27ஆம் தேதி நடந்தது. காலை சுமார் 5.30 மணிக்கு மின்படிகள் இயங்கத் தொடங்கியதாகச் சம்பவத்தை நேரில் கண்ட ஒருவர் தெரிவித்ததாக ‘ஸ்ட்ரெய்ட்ஸ் டைம்ஸ்’ நாளிதழ் கூறியது. அப்போது மின்படிகள் வழியாகக் கீழே இறங்கியவர்கள் எம்ஆர்டி ரயில் நிலையத்தின் இழுவைக் கதவடைப்பு தரை வரை இழுக்கப்பட்டிருந்ததைக் கண்டனர். அதன் திறப்புக்காக அவர்கள் காத்திருந்தனர். மெல்ல அங்கு கூட்டம் பெருகத் தொடங்கியது.

திங்கட்கிழமை முதல் சனிக்கிழமை வரை இந்நிலையத்தில் ரயில் சேவை வழக்கமாகக் காலை 5.30 மணிக்குத் தொடங்கும். ஞாயிற்றுக்கிழமைகளிலோ சேவை காலை ஆறு மணிக்குத் தொடங்கும். அதிக கூட்டத்தினால் குழப்பம் ஏற்பட்டு, சிலர் கீழே சென்றுகொண்டிருந்த படிக்கட்டுகளின் மீது ஏறி மேலே செல்ல முற்பட்டதாக ஆஸ்திரேலியாவைச் சேர்ந்த ஆடவர் ஒருவர் கூறியதாக ‘ஸ்ட்ரெய்ட்ஸ் டைம்ஸ்’ தெரிவித்தது. இதில், 30 வயது மதிக்கத்தக்க பெண் ஒருவர் படிக்கட்டுகளின் மீது விழுந்து காயமடைந்தார். அவர் தலையிலிருந்து ரத்தம் வழிய ஆரம்பித்ததாகவும் தாம் அவருக்கு உதவி செய்ததாகவும் ஆஸ்திரேலிய ஆடவர் கூறினார்.

மின்படிகளை இயக்குவதற்கான வழிமுறைகளை ரயில் நிலைய ஊழியர்கள் முறையாகப் பின்பற்றவில்லை என்றும் நடந்த சம்பவத்திற்காக மன்னிப்பு கேட்பதாகவும் எஸ்எம்ஆர்டி நிறுவனம் தெரிவித்தது.

இப்பகுதியில் மேலும் செய்திகள்

இலங்கைத் தலைநகர் கொழும்புவில் உள்ள செயிண்ட் அந்தோணியர் தேவாலயத்திற்கு வெளியே நிற்கும் கிறிஸ்தவ மதபோதகர்கள். படம்: ராய்ட்டர்ஸ்

21 Apr 2019

'சமூகங்களுக்கு இடையே வெறுப்புணர்வைத் தூண்ட இலக்கு’

ஆர்ச்சர்ட் ரோடு நடைபாதையில் மஞ்சள் சட்டை அணிந்த சிறுவன் மீது மின்-ஸ்கூட்டர் இடித்துவிட்டது. இதனால் சிறுவனின் தந்தை ஆத்திரமடைந்தார். படம்: ஃபேஸ்புக் (அண்டி யூவ் மாய்)

21 Apr 2019

ஆர்ச்சர்ட் ரோட்டில் சிறுவனை இடித்த மின்-ஸ்கூட்டர்; வாக்குவாதம், விசாரணை 

மத்திய விரைவுச் சாலையில் நிகழ்ந்த விபத்தில் மோட்டார் சைக்கிளோட்டி ஒருவர் பலியானதைத் தொடர்ந்து பெண் ஓட்டுநரை காவல்துறையினர் கைது செய்துள்ளனர். படம்: வாசகர்

21 Apr 2019

நான்கு கார் மோதிய விபத்தில் ஒருவர் பலி; பெண் கைது