சிங்கப்பூரர்கள், நியூசிலாந்து நாட்டவருக்கு தானியக்க குடிநுழைவு அனுமதி முறை

12 Feb 2019 06:00 | மாற்றம் செய்யப்பட்ட நாள் / நேரம்: 12 Feb 2019 09:03

சிங்கப்பூருக்கு வரும் நியூசிலாந்து நாட்டவரும் இங்கிருந்து நியூசிலாந்துக்குச் செல்லும் சிங்கப்பூரர்களும் நாளையிலிருந்து தானியக்க முறையில் குடிநுழைவு அனுமதியைப் பெற்றுக்கொள்ளலாம்.
நியூசிலாந்து கடப்பிதழ் வைத்து இருக்கும் ஆறு வயதுக்கு மேற்பட்டோர், கடந்த ஈராண்டுகளில் இரண்டு முறையாவது சிங்கப்பூருக்குப் பயணம் செய்து இருந்தால், அடிக்கடி சிங்கப்பூருக்குப் பயணம் செய்யும் திட்டத்தில் சேர்ந்து கொள்ளலாம்.
அவர்களுடைய கடப்பிதழ், குறைந்தது ஆறு மாதங்களுக்குச் செல்லுபடியாகும் நிலையில் இருக்க வேண்டும்.
அதேபோல சிங்கப்பூரர்கள் நியூசிலாந்தில் உள்ள தானியக்க குடிநுழைவு முறையைப் பயன்படுத்தி அந்த நாட்டுக்குள் எளிமை யாகச் செல்லவும் அனுமதி கிடைக்கும்.