சான் சுன் சிங்: ‘பிரெக்சிட்’டால் சிங்கப்பூருக்குப் பாதிப்பில்லை

13 Feb 2019 06:01 | மாற்றம் செய்யப்பட்ட நாள் / நேரம்: 13 Feb 2019 07:24

ஐரோப்பிய ஒன்றியத்தைவிட்டு பிரிட்டன் எவ்வித ஒப்பந்தமும் இன்றி வெளியேறினாலும் அதனால் சிங்கப்பூருக்கு, வர்த்தகத்தில் அடிப்படை பாதிப்பு இருக்காது என்று சிங்கப்பூர் வர்த்தக தொழில் அமைச்சு மதிப்பீடு செய்துள்ள தாக வர்த்தக தொழில் அமைச்சர் சான் சுன் சிங் நேற்று நாடாளமன்றத்தில் தெரிவித்துள்ளார்.
ஐரோப்பிய ஒன்றியத்திற்கும் சிங்கப்பூருக்கும் இடையிலான தடையற்ற வர்த்தக ஒப்பந்தத்தை பிரிட்டனும் நீட்டிப்பது தொடர்பாக சிங்கப்பூர் அந்நாட்டுடன் பேச்சு நடத்தத் தயாராக உள்ளதாக அமைச்சர் குறிப்பிட்டார்.
தெம்பனிஸ் குழுத்தொகுதி நாடாளுமன்ற உறுப்பினர் டெஸ்மண்ட் சூ ஒப்பந்தம் இன்றி ஐரோப்பிய ஒன்றியத்தைவிட்டு பிரிட்டன் வெளியேறினால் அது சிங்கப்பூரை எவ்வாறு பாதிக்கும் என்று கேட்ட கேள்விக்கு அமைச்சர் இவ்வாறு பதிலளித்தார்.