உட்லண்ட்ஸ் அவென்யூ 9, ரிவர்சைட் ரோடு ஆகியவற்றுக்கு இடையேயான சாலை சந்திப்பில் நேற்று அதிகாலை 12.15 மணி அளவில் மின்-ஸ்கூட்டர், வேன் மோதிய விபத்தில் மின்-ஸ்கூட்டர் ஓட்டிச் சென்ற 20 வயது இளம் பெண் மருத்துவ மனைக்குக் கொண்டுசெல்லப்பட்டார். சுய நினைவுடன் இருந்த அவர் கூ டெக் புவாட் மருத்துவமனைக்குக் கொண்டு செல்லப்பட்டதாகக் கூறப்பட்டது.
ரிவர்சைட் ரோட்டுக்குச் செல் வதற்காக வலப்புறம் திரும்பிய வேன், மின்-ஸ்கூட்டர் மீது மோதி யதாக ஷின் மின் சீன நாளிதழ் தெரிவித்தது.
மோதிய வேகத்தில் மின்-ஸ்கூட்டர் ஓட்டுநர் வேனின் கீழே சிக்கிக்கொண்டார். வேன் ஓட்டுநர் உட்பட சுமார் 8 பேர் சேர்ந்து அந்த வேனை தூக்கி பெண்ணை அங்கிருந்து விடுவித்ததாக சம்பவத்தை நேரில் பார்த்த 68 வயது டாக்சி ஓட்டுநரான திரு சென் குறிப் பிட்டார். விசாரணை மேற்கொள் ளப்பட்டுள்ளது.