நிதியமைச்சர் ஹெங்: பொருள் சேவை வரியை உயர்த்துவதில் நிதானம் கடைபிடிக்கப்படும்

பொருள், சேவை வரியை 7 விழுக்காட்டிலிருந்து 9 விழுக்காட்டுக்கு உயர்த்துவதற்கான சரியான நேரத்தை அரசாங்கம் இன்னும் முடிவு செய்யவில்லை என்று நிதியமைச்சர் ஹெங் சுவீ கியட் வியாழக்கிழமை தெரிவித்தார். தற்போது நிலவும் பொருளியல் சூழல், மக்கள் செலவு செய்யும் விதம், நாட்டின் வருவாய் ஆகியவற்றை அரசாங்கம் அணுக்கமாகக் கண்காணித்து வரும் என்று திரு ஹெங் நாடாளுமன்றத்தில் கூறினார். 

ஜிஎஸ்டி உயர்வு தொடர்பான அணுகுமுறையையும் அதனைச் செயல்படுத்துவதற்கான நேரத்தையும் குறித்து சிலர் கேள்வி எழுப்பியதாகத் திரு ஹெங் தெரிவித்தார். கடந்தாண்டு வரவு செலவுத் திட்டத்தில் இந்த ஜிஎஸ்டி உயர்வு அறிவிக்கப்பட்டது. 2021 ஆம் ஆண்டுக்கும் 2025ஆம் ஆண்டுக்கும் இடையே ஜிஎஸ்டி உயர்வு செயல்படுத்தப்படும் என எதிர்பார்க்கப்படுகிறது.

வரி உயர்வை முடிந்தவரை தாமதப்படுத்துமாறு வெஸ்ட் கோஸ்ட் குழுத்தொகுதிக்கான நாடாளுமன்ற உறுப்பினர் திருவாட்டி ஃபூ மீ ஹார் கேட்டிருந்தார். ஆயினும் சுகாதாரம் உள்ளிட்ட துறைகளுக்கான நிதியைத் பெற இந்த வரி உயர்வு தேவை என்று திரு ஹெங் பதில் அளித்தார். இது எளிதான முடிவு அல்ல என்றும் அவர் வலியுறுத்தினார்.

2019ஆம் ஆண்டில் சுகாதார அமைச்சு நோயாளிகளின் கட்டணத்திற்கான விலைக்கழிவுகளுக்கு மட்டும் 6.1 பில்லியன் வெள்ளி செலவு செய்யும் என எதிர்பார்க்கப்படுகிறது. 

இப்பகுதியில் மேலும் செய்திகள்

உச்ச நேரங்களில் போக்குவரத்து நெரிசலைத் தவிர்க்க விரும்பி கடற்பாலத்தில் நடந்து செல்பவர்களின் பாதுகாப்புக்காக நடைபாதை தேவைப்படுகிறது. படம்: சாவ்பாவ்

19 Jun 2019

கடற்பாலத்தில் நடைபாதை கட்ட ஜோகூர் திட்டம்

சிங்கப்பூரிலுள்ள 16 நகர மன்றங்களும் புதிய ஆளுமை முறைமைக்கு உட்பட்டுச் செயல்படவேண்டும். படம்: ஸ்ட்ரெய்ட்ஸ் டைம்ஸ்

19 Jun 2019

நகர மன்றங்களுக்குப் புதிய ஆளுமை முறைமை

சமூக ஊடகத்தில் பதிவேற்றப்பட்ட படத்தில் மகளுடன் 35 வயது தந்தை ஜான்பாய் ஜான் டியோ.

19 Jun 2019

இரண்டு வயது மகளைக் கொன்றதாக தந்தை மீது குற்றச்சாட்டு