கேலாங்கில் நான்கு வாகனங்களுக்கிடையே விபத்து; மூன்று பேர் காயம்

கேலாங்கில் ஞாயிற்றுக்கிழமை நான்கு வாகனங்களுக்கு இடையே நடந்த விபத்தில் மூன்று பேர் காயமடைந்தனர்.

சிம்ஸ் அவென்யூவுக்கும் அல்ஜூனிட் ரோட்டுக்கும் இடையிலான சாலைச் சந்திப்பில் இரு கார்கள், ஒரு டாக்சி, ஒரு மோட்டார் சைக்கிள் ஆகியவற்றுக்கு இடையே இந்த விபத்து ஏற்பட்டதாக போலிசார் தெரிவித்தனர். காலை 10 மணி வாக்கில் விபத்து நேர்ந்ததாகக் கூறப்படுகிறது.

இதனைத் தொடர்ந்து 69 வயது மோட்டார் சைக்கிளோட்டியும் ஒரு காரைச் சேர்ந்த இரண்டு பெண் பயணிகளும் சுயநினைவுடன் டான் டொக் செங் மருத்துவமனைக்கு அழைத்துச் செல்லப்பட்டனர்.