பள்ளியில் உணவு தயாரிக்க பிசிஎஃப் நடவடிக்கை

மசெக சமூக அறநிறுவனம் (பிசி எஃப்) தனது பாலர் பள்ளிகளுக்கு உணவு வழங்கும் நிறுவனங்களின் சேவைகளை நிறுத்துவதுடன் பாலர் பள்ளிகளில் பணிபுரிய புதிய சமையல்காரர்களையும் தேடி வருகிறது. அதன் பல்வேறு பாலர் பள்ளி நிலையங்களில் நச்சுணவு காரணமாக 200க்கும் மேற்பட்டோர் பாதிக்கப்பட்டதையடுத்து இந்த நடவடிக்கை எடுக்கப்படுகிறது. தமது பாலர் பள்ளிகளில் பணி புரியும் சமையல்காரர்களின் சம்ப ளம், பலன் தொகுப்பை மறு ஆய்வு செய்யத் தயாராக இருப்பதாக பிசிஎஃப்பின் தலைமை நிர்வாக அதிகாரி விக்டர் பே கூறியுள்ளார். தேசிய சுற்றுப்புற வாரியத்திடம் பதிவுபெற்ற பயிற்றுனர்களின் அடிப்படை உணவு சுகாதார வகுப் புகளில் பயிற்சி பெற்றவர்களை பாலர் பள்ளியின் அடுக்களையில் உதவுவதற்காக பணியில் அமர்த் தவும் அது திட்டமிடுகிறது. இம்மாதத் தொடக்கத்திலிருந்து பிசிஎஃப்பின் 15 பாலர் பள்ளி களுக்கு உள்ளேயே உணவு தயா ரித்து பரிமாறப்பட்டு வருகிறது. எஞ்சியிருக்கும் பொங்கோல் நார்த் பாலர் பள்ளியிலும் இதை நடை முறைப்படுத்த முயற்சிகள் எடுக் கப்பட்டு வருகிறது. அங்கு 400க்கும் அதிகமான பிள்ளைகள் படித்து வருகின்றனர். அந்தப் பள்ளியிலேயே சமைக்க பெரிய அடுக்களை, வசதிகள் செய்யப்பட வேண்டும். மேற்கண்ட 16 பிசிஎஃப் பாலர் பள்ளி நிலையங்களுக்கும் முன்பு கேட்'ஸ் கேட்டரிங் உணவு தயாரித்து விநியோகித்து வந்தது.