மாணவர் முரசு
இ-பேப்பர்
ஃபார் ஈஸ்ட் பிளாசாவில் உள்ள பழைய பொருட்களை விற்கும் கடைக்கு வந்த மர்ம நபர் ஒருவர், 150,000 வெள்ளி மதிப்புள்ள வைரம் பதிக்கப்பட்ட ரோலக்ஸ் கைக்கடிகாரங்களுடன் தப்பியோடி விட்டார்.
சென்ற புதன்கிழமை அன்று முதல் வாடிக்கையாளராக அவர் கடைக்குள் வந்தார் என்று ‘ஹெச்ஜே லக்சரி’ கடையின் ஊழியர் லியவ் கூறினார்.
ரோலக்ஸ் கைக்கடிகாரங்களை பார்க்க வேண்டும் என்று அந்த நபர் கூறியதும் கடையில் இருந்த லியவ், சில கைக்கடிகாரங்களைக் காட்டினார்.
“அப்போது சில கைக்கடிகாரங் களைப் போட்டுவிட்டு இரண்டு கைக்கடிகாரங்ளை மட்டும் எடுத்துக்கொண்டு அவர் ஓடி விட்டார். அவர் தனது வயதுக்கு மீறிய கைக்கடிகாரங்களைக் கேட்டபோதே சந்தேகம் எழுந்தது,” என்று லியவ் சொன்னார்.
அந்த சமயத்தில் கடையின் உரிமையாளர் ரஸல் டான் அங்கு இல்லை. லியவ், அவரை துரத்திக் கொண்டு ஓடினார். மற்ற கடைக் காரர்களும் சந்தேக நபரை துரத்தி னர். ஆனால் படிக்கட்டு வழியாக இறங்கி அவர் தப்பிவிட்டார்.
இருப்பினும் கடையில் உள்ள கண்காணிப்பு கேமராவில் அவரது உருவம் பதிவாகியிருந்தது. அவரது கைரேகைகளும் கடையில் பல இடங்களில் பதிந்திருந்தன. இவை இரண்டையும் எடுத்துச் சென்றுள்ள போலிசார், சந்தேக நபரை தேடி வருகின்றனர்.
