மாணவர் முரசு
இ-பேப்பர்
வாடிக்கையாளர்களின் தனிப்பட்ட விவரங்களைத் தனது இணையத்தளத்தில் வெளியிட்டதற்காக உணவு, பான நிறுவனமான 'ஸ்பைஸ் கான்செப்ட்ஸ்'க்கு $20,000 அபராதம் விதிக்கப்பட்டு உள்ளது.
மொத்தம் 148 வாடிக்கையாளர்களின் பெயர்கள், தொடர்பு எண்கள், மின்னஞ்சல் முகவரிகள், குடியிருப்பு முகவரிகள் உள்ளிட்ட தனிப்பட்ட விவரங்கள் 2017ஆம் ஆண்டு பிப்ரவரி 9ஆம் தேதி அந்நிறுவனத்தின் இணையத்தளத்தில் வெளியிடப்பட்டன.
வாடிக்கையாளர்களின் தகவல் கசிவு குறித்து 2017ஆம் ஆண்டு ஆகஸ்ட் 12ஆம் தேதி தனிநபர் தரவு பாதுகாப்பு ஆணையத்திற்கு புகார் கிடைத்தது.
தகவல் கசிவு குறித்து இரு நாட்கள் கழித்து 'ஸ்பைஸ்' நிறுவனத்திற்கு தெரிவிக்கப்பட்டது.
இந்தப் பிரச்சினையைத் தீர்த்து வைக்கும்படி தனது மென்பொருள் வழங்குநரான 'நொவாடின்' நிறுவனத்தை அது கேட்டுக்கொண் டது.