குடியுரிமை விண்ணப்பம்: பொய்யுரைத்த 'போலோ' ஆட்டக்காரருக்கு சிறை

சிங்கப்பூரின் மிகப் பிரபலமான 'போலோ' விளையாட்டாளரான 53 வயது அப்துல் சத்தார் கான் (படம்) இவ்வாண்டு நவம்பரில் நடைபெறும் தென்கிழக்காசிய விளையாட்டுகளில் சிங்கப்பூரைப் பிரதிநிதிக்க தேர்வு செய்யப்பட்டுள்ளார் என்று இன்று நீதிமன்றத்தில் தெரிவிக்கப்பட்டது.

பாகிஸ்தானில் பிறந்த அப்துல் சத்தார், 2006ஆம் ஆண்டில் குடிநுழைவு சோதனைச்சாவடி ஆணையத்திடம் சிங்கப்பூர் நிரந்தரவாசத்துக்கு விண்ணப்பித்தபோது தமது கல்வித் தகுதிகள் தொடர்பில் பொய்யான தகவல்களையும் சான்றிதழ்களையும் சமர்ப்பித்திருக்கிறார். ஈராண்டுகள் கழித்து அவருக்கு சிங்கப்பூர் நிரந்தரவாசத் தகுதி வழங்கப்பட்டது. பின்னர் சிங்கப்பூர் குடியுரிமைக்கு அப்துல் சத்தார் விண்ணப்பித்தபோது, மீண்டும் தமது கல்வித் தகுதிகள் தொடர்பில் பொய்யான தகவல்களைச் சமர்ப்பித்தார். அவருக்கு 2009ஆம் ஆண்டு ஜூலை 31ஆம் தேதி சிங்கப்பூர் குடியுரிமை வழங்கப்பட்டது.

பொய்யான தகவல் அளித்த குற்றத்தை ஒப்புக்கொண்ட அப்துல் சத்தாருக்கு நேற்று இரண்டு வாரச் சிறைத் தண்டனை விதிக்கப்பட்டது. இதனால் அவரது சிஙகப்பூர் குடியுரிமைத் தகுதிக்குப் பாதிப்பு ஏற்படுமா என்று நீதிமன்ற ஆவணங்களில் குறிப்பிடப்படவில்லை.

அப்துல் சத்தாருக்கு $10,000 பிணை அனுமதிப்பட்டுள்ளது. அவர் சிறைத் தண்டனைத் தொடங்க இம்மாதம் 23ஆம் தேதியன்று நீதிமன்றத்தில் சரணடைய வேண்டும்.

இப்பகுதியில் மேலும் செய்திகள்

மின்ஸ்கூட்டர் தடை தொடர்பாக பொதுமக்களிடம் கலந்துரையாடும் போக்குவரத்து மூத்த துணை அமைச்சர் லாம் பின் மின். படம்: ஸ்ட்ரெய்ட்ஸ் டைம்ஸ்

14 Nov 2019

பிஎம்டி கலந்துரையாடலில் எதிர்த்தரப்பு அரசியல்வாதி நடந்து கொண்ட விதம் பொறுப்பற்றது: லாம் பின் மின்

காணொளியில் இருந்து எடுக்கப்பட்ட படம்: பேஸ்புக், லிம் தியான்

14 Nov 2019

ஹாங்காங் டிபிஎஸ் வங்கி தீச்சம்பவத்தில் பாதிக்கப்படவில்லை

ரிசார்ட்ஸ் வேர்ல்ட் செந்தோசா நீரூற்றுப் பகுதி. கோப்புப் படம்

14 Nov 2019

பிள்ளை வளர்ப்புக்கு உதவ 10 வட்டார மையங்கள்