தேசிய மொழிபெயர்ப்புக் குழுவின் கீழ் 'மொழிபெயர்ப்பில் சமூகம்' எனும் புதிய முயற்சி மொழிபெயர்ப்பு தொடர்பிலான நிகழ்ச்சிகளுக்கு நிதி ஆதரவு வழங்குகிறது. மொழிபெயர்ப்பில் ஆர்வத்தையும் அதன் தொடர்பிலான விழிப்புணர்வையும் வளர்ப்பதே இதன் முதன்மை நோக்கம். இதன் மூலம் சிங்கப்பூரில் ஆரோக்கியமான மொழிபெயர்ப்புச் சூழல் நிலவுவதுடன் உள்ளூர் மொழிபெயர்ப்புத் தரமும் மேம்படும்.
மொழிபெயர்ப்பு தொடர்பிலான போட்டிகள், கண்காட்சிகள், கருத்தரங்குகள், உரையாடல்கள், பயிலரங்குகள் போன்ற நிகழ்ச்சிகளை நடத்த விரும்பும் அமைப்புகள், நிகழ்ச்சிகள் பற்றிய விவரங்களுடன் விண்ணப்பத்தைப் பூர்த்தி செய்து அனுப்ப வேண்டும். விண்ணப்பம், கூடுதல் விவரங்களுக்கு MCI_NTC_Secretariat@mci.gov.sg என்ற மின்னஞ்சல் முகவரியில் தொடர்புகொள்ளலாம்.