போலிஸ்: கைபேசி மோசடியில் பொதுமக்கள் $24,000 இழப்பு

இணையத்தளங்கள் மூலம் கைபேசி வாங்கும் மோசடியில் சிக்கி குறைந்தது $24,000ஐ பாதிக்கப்பட்டோர் இழந்துள்ளதாக போலிசார் நேற்று தெரிவித்தனர். இவ்வாண்டின் முதல் ஐந்து மாதங்களின் அடிப்படையில் இத்தொகை கணக்கிடப்பட்டுள்ளது.

இது தொடர்பில் ஜனவரி முதல் மே மாதம் வரை குறைந்தது 71 புகார்கள் கிடைத்துள்ளதாக போலிசார் கூறினர். இம்மோசடி சம்பவங்களில் இணையம் வழி கைபேசிகளை வாங்குவதாக எண்ணி பலர் கடனில் சிக்கினர். 

பாதிக்கப்பட்டவர்களில் சிலர் தங்களின் அடையாள அட்டை எண், ‘சிங்பாஸ்’, வங்கிக் கணக்கு விவரங்கள் போன்ற தனிநபர் தகவல்களை வெளியிட்டனர். கைபேசிகளைத் தவணைத் திட்டத்தில் வாங்குவதாக எண்ணி அவர்கள் இவ்வாறு அவ்விவரங்களைத் தெரியப்படுத்தியதாகக் கூறப்பட்டது. 

ஆனால் அதைத் தொடர்ந்து தங்களின் வங்கிக் கணக்குகளில் ஒரு குறிப்பிட்ட தொகை போடப்பட்டதை அவர்கள் உணர்ந்தனர். அதன்பின் கடன் தொகையை வட்டியுடன் சேர்த்துக் கட்டச் சொல்லி மோசடிக் கும்பல் மிரட்டியதாக அறியப்படுகிறது. வேறு சில சம்பவங்களில் கைபேசிகளை வாங்க கடன் பெற்றுக்கொள்ளுமாறு கேட்கப்பட்டது. அதற்கு ஒப்புக்கொண்டாலும் இல்லாவிட்டாலும் ஒரு குறிப்பிட்ட தொகை வங்கிக் கணக்குகளில் போடப்பட்டு பின்னர் கடன் மீண்டும் கேட்கப்பட்டது. இதன் தொடர்பில் முன்னெச்சரிக்கையுடன் இருக்குமாறு போலிசார் பொதுமக்களைக் கேட்டுக்கொண்டுள்ளனர்.

அறிமுகமில்லாதவர்களிடமும் அடையாளம் தெரியாத இணையத்தளங்களிலும் தனிநபர் தகவல்களைத் தெரிவிக்கவேண்டாம் என்று அறிவுறுத்தப்படுகிறது.

ஏதேனும் பொருள் வாங்குவ தென்றால் அதை விற்பனை செய்யும் நிறுவனம், விற்பனையாளர் ஆகியவற்றின் தொடர்பில் நம்பகத்தன்மையை உறுதிசெய்துகொள்ளுமாறும் போலிசார் வலியுறுத்தினர்.

இப்பகுதியில் மேலும் செய்திகள்

பயனாளர்கள் தங்களுக்குக் கிடைத்த பள்ளிக்குத் திரும்புதல் பற்றுச்சீட்டுகளைக் கொண்டு, அங்கு நடைபெற்ற விற்பனைச் சந்தையில் சிறப்பு விலைக் கழிவுகளில் பள்ளிப்பைகளையும் காலணிகளையும் வாங்கிக்கொள்ளலாம்.  படம்: சாவ் பாவ்

07 Dec 2019

பள்ளிக்குத் தயாராவதற்கு உதவிக்கரம்

உரிமக் கட்டணங்களைத் தவிர்த்து, வைப்புத் தொகையாக சைக்கிள் ஒன்றுக்கு $30யை நிறுவனங்கள் செலுத்த வேண்டியிருந்தது. கோப்புப்படம்: ஸ்ட்ரெய்ட்ஸ் டைம்ஸ்

07 Dec 2019

பகிர்வு சைக்கிள் நிறுவனங்களுக்கான உரிமக் கட்டணம் பாதியாகக் குறைப்பு

கூகல் வரைபடத்திலிருந்து எடுக்கப்பட்டது.

07 Dec 2019

ராபின்சன் சாலையில் மூன்று தடங்கள் நாளை மூடப்படும்