வாழ்க்கைத்தொழிலை இன்னும் அதிக நாள் செய்ய விரும்புவோருக்கும் வேலை மாற்றம் செய்ய நினைப்போருக்கும் மூத்த ஊழியர்களுக்கான மூத்தரப்புப் பணிக்குழு யோசனைகள் தெரிவித்துள்ளது.
வாழ்க்கைத் தொழிலைத் திட்டமிடுவதற்கான கலந்துரையாடல்களை நடத்தும்படி முதலாளிகளுக்கு அந்தக் குழு பரிந்துரைத்துள்ளது. முதிர்ச்சியடைந்த ஊழியர்கள், தங்கள் வேலைத் திட்டம் குறித்து கலந்துரையாடலாம். இதுபோன்ற திட்டமிடுதலைச் செய்ய அறுபது வயது வரை காத்திராமல் நாற்பதுகளிலேயே தொடங்கவேண்டும் என்று அந்தக் குழு, தனது அறிக்கை ஒன்றில் குறிப்பிட்டது. அத்துடன் வேறு சில பரிந்துரைகளையும் அது வெளியிட்டுள்ளது.
1. எந்தெந்த திறன்களை நீங்கள் மேம்படுத்தலாம் என்பது குறித்து நீங்கள் முதலாளிகளிடத்திலும் தொழிற்சங்கங்களிடத்திலும் கேட்டுத் தெரிந்துகொள்ளலாம். புதியவற்றைக் கண்டு நீங்கள் அஞ்சாதீர்கள்.
2. நேரம் கடத்தாமல் திறன் மேம்பாடு பற்றி சிந்தித்து கவனமாகத் திட்டமிடுங்கள்.
3. நடவடிக்கை எடுங்கள், மற்றவர்களுடன் தொடர்பில் இருங்கள், கூட்டணிகளை உருவாக்கிக்கொள்ளுங்கள்.
4. திறன் மேம்பாடு என்பது இனிமேல் சில மணி நேரம் நீடிக்கக்கூடிய பயிலரங்குகள் மூலமாகச் செய்யக்கூடியதல்ல.
5. மிக ஆழமான திறன்களும் அவற்றைக் கற்றுக்கொள்வதற்கான நேரமும் நமக்குத் தேவைப்படுகிறது. கற்ற திறன்களைச் செம்மைப்படுத்தி அதில் தேர்ச்சி அடையவும் வேண்டும்.
6. திறன் மேம்பாட்டுக்கு உங்கள் நிறுவனம் ஆதரவு அளிக்காவிட்டாலும் நீங்கள் மனந்தளராமல் தனிநபராக முயலவேண்டும்.