உட்லண்ட்ஸ் வட்டாரத்தில் வாகன விபத்து; இருவர் பலி

இரண்டு மோட்டார் சைக்கிள்களும் ஒரு லாரியும் சிக்கிய விபத்தில் இருவர் உயிரிழந்ததாகத் தகவல் வெளிவந்துள்ளது.

உட்லண்ட்ஸ் ரோட்டுக்கும் மண்டாய் எஸ்டேட்டுக்கும் இடையிலான சாலைச் சந்திப்பில் இந்த விபத்து நடந்ததாக சிங்கப்பூர் குடிமைத் தற்காப்புப் படை தெரிவித்தது.

சம்பவ இடத்திலேயே 53 வயது மோட்டார் சைக்கிளோட்டி உயிரிழந்ததாக மருத்துவ அதிகாரிகள் தெரிவித்தனர்.

விபத்தில் சம்பந்தப்பட்ட லாரி ஓட்டுநர், சுயநினைவு இழந்த நிலையில் கூ டெக் புவாட் மருத்துவமனைக்குக் கொண்டு செல்லப்பட்டார். கடுமையாகக் காயமடைந்த அந்த ஆடவர் மாண்டதாக போலிசார் தெரிவித்தனர்.

இரண்டாவது மோட்டார் சைக்கிளின் ஓட்டுநர் மருத்துவ உதவியைப் பெற மறுத்ததாக சிங்கப்பூர் குடிமைத் தற்காப்புப் படை தெரிவித்தது. 

மலேசியாவில் பதிவு செய்யப்பட்ட அந்த லாரிக்கு அடியில் ஒருவரின் உடல் சிக்கி நசுக்கப்பட்டதாகச் சமூக ஊடகங்களில் வேகமாகப் பரவி வரும் சில படங்கள் காட்டுகின்றன.

விசாரணை தொடர்கிறது.

 

இப்பகுதியில் மேலும் செய்திகள்

தற்போது ரயில் நிலையங்களில் உள்ள வரைபடத்துக்குப் பதிலாக இந்தப் புதிய படம் அடுத்த ஆண்டு ஜனவரி மாதத்திலிருந்து மாற்றப்படும் என்றது ஆணையம். படம்: நிலப் போக்குவரத்து ஆணையம்

11 Dec 2019

தாம்சன்-ஈஸ்ட் கோஸ்ட் ரயில் பாதை ஜனவரியில் திறப்பு; முதல் 3 நாட்களுக்கு இலவச பயணம்

காலை 10 மணியளவில் தீ கட்டுக்குள் கொண்டு வரப்பட்டு பகல் 12 மணியளவில் முற்றாக அணைக்கப்பட்டதாக எஸ்சிடிஎஃப் தெரிவித்தது. படங்கள்: எஸ்சிடிஎஃப் /ஃபேஸ்புக்

11 Dec 2019

துவாஸில் ஆறு மணி நேரம் பற்றி எரிந்த தீ

தான் வேண்டுமென்றேதான் மைனாவைத் தொங்கவிட்டதாகவும் இப்படிச் செய்தால் தன் சமையலறைக்குள்  வரக்கூடாது என்று மற்ற மைனாக்களுக்கும் தெரிய வரும் என்றும் கருதுவதாக அந்த மாது தன் செயலுக்கு விளக்கம் அளித்திருந்தார். படம், காணொளி: ஏக்கர்ஸ் ஃபேஸ்புக்

11 Dec 2019

மைனாவுக்குப் பாடம் புகட்ட எண்ணி அதை சன்னலுக்கு வெளியே தொங்கவிட்ட குடியிருப்பாளர்