வேலைகள் அதிகம்; வேலையின்மையும் கூடியது

கடந்த ஆண்­டில் சிங்­கப்­பூ­ரின் வேலை­வாய்ப்பு நில­வ­ரம் ஒட்­டு­மொத்­தத்­தில் எதிர்­பார்ப்பை மிஞ்­சி­விட்­ட­தாக மனி­த­வள அமைச்­சர் ஜோச­ஃபின் டியோ தெரி­வித்­துள்­ளார்.

அண்­மைய ஆண்­டு­க­ளில் வேலை­யின்மை விகி­தம் குறைந்து வரம்­புக்­குள் இருந்து வரு­வ­த­கக் குறிப்­பிட்ட திரு­வாட்டி டியோ, உள்­ளூர்­வா­சி­க­ளுக்­கான வேலை­வாய்ப்பு முந்­தைய 2018ஆம் ஆண்­டைக் காட்­டி­லும் சற்றே அதி­க­ரித்­துள்­ள­தா­க­வும் ஆட்­கு­றைப்பு விகி­தம் குறைந்­துள்­ள­தா­க­வும் சொன்­னார்.

வேலைச் சந்தை குறித்த அண்­மைய தர­வு­களை மனி­த­வள அமைச்சு நேற்று வெளி­யிட்­டது.

கடந்த ஆண்­டில் உள்­ளூர்­வா­சி­க­ளுக்­கான வேலை­க­ளின் எண்­ணிக்கை 28,300 கூடி­யது. 2018ஆம் ஆண்­டில் இந்த வளர்ச்சி 27,400ஆக இருந்­தது.

அதே­போல, பணிப்­பெண்­கள் தவிர்த்த வெளி­நாட்­ட­வர்­க­ளுக்­கான வேலை­க­ளின் எண்­ணிக்­கை­யும் அதி­க­ரித்­தது. 2018ல் 10,900ஆக இருந்த அந்த எண்­ணிக்கை, 2019ல் 28,700ஆக உயர்ந்­தது. கட்­டு­மா­னத் துறை ஊழி­யர்­க­ளின் எண்­ணிக்கை அதி­க­ரித்­ததே இதற்கு முக்­கிய கார­ணம். அதே நேரத்­தில், சென்ற ஆண்­டில் சிங்­கப்­பூ­ரர்­க­ளுக்­கான வேலை­யின்மை விகி­தம் 3.3% என சற்றே அதி­க­ரித்­தது. முந்­தைய 2018ஆம் ஆண்­டில் இவ்­வி­கி­தம் 3 விழுக்­கா­டாக இருந்­தது. உள்­ளூர்­வா­சி­க­ளுக்­கான இவ்­வி­கி­தம் 2.9 விழுக்­காட்­டில் இருந்து 3.1 விழுக்­கா­டா­க­வும் வெளி­நாட்டு ஊழி­யர்­க­ளை­யும் சேர்த்­துக்­கொண்­டால் 2.1 விழுக்­காட்­டில் இருந்து 2.3 விழுக்­கா­டா­க­வும் ஏற்­றம் கண்­டன.

ஒட்­டு­மொத்­தத்­தில், பணிப்­பெண்­க­ளைத் தவிர்த்து, சென்ற ஆண்­டில் புதி­தாக 57,000 வேலை­கள் உரு­வாக்­கப்­பட்­டன. 2018ல் இந்த எண்­ணிக்கை 38,300ஆக இருந்­தது.

2018ல் 10,730ஆக இருந்த ஆட்­கு­றைப்பு 2019ல் 10.690 என சற்றே குறைந்­தது. கடந்த ஆண்டு ஆட்­கு­றைப்பு செய்­யப்­பட்­ட­வர்­களில் 73.6 விழுக்­காட்­டி­னர் 'பிஎம்­இடி' எனப்­படும் நிபு­ணர்­கள், மேலா­ளர்­கள், நிர்­வா­கி­கள், தொழில்­நுட்­பர்­கள் பிரி­வி­னர்.

ஆட்­கு­றைப்பு செய்­யப்­பட்ட உள்­ளூர்­வா­சி­களில் 64 விழுக்­காட்­டி­ன­ருக்கு ஆறு மாதங்­க­ளுக்­குள் புதிய வேலை­கள் கிடைத்­தன. முந்­தைய 2018ஆம் ஆண்­டில் இவ்­வி­கி­தம் 63 விழுக்­கா­டாக இருந்­தது.