தாம்சன்-ஈஸ்ட் கோஸ்ட் ரயில் பாதையின் அடுத்த ஆறு நிலையங்கள் ஜூலை மாதத்துக்குப் பிறகு திறக்கப்படக்கூடும்

தாம்­சன்-ஈஸ்ட் கோஸ்ட் ரயில் பாதை­யின் அடுத்த ஆறு நிலை­யங்­கள் வரும் ஜூலை மாதத்­துக்­குப் பிறகு திறப்­ப­டக்­கூ­டும் என்று போக்­கு­வ­ரத்து அமைச்­சர் கோ பூன் வான் நேற்று தெரி­வித்­தார்.

அந்த ஆறு நிலை­யங்­க­ளைக் கொண்ட ரயில் பாதை­யில் அடுத்த மாதத்­தி­லி­ருந்து ஜூலை மாதம் வரை சோத­னைப் பணி­கள் நடத்­தப்­படும் என்று அவர் கூறி­னார்.

பிரைட் ஹில் எம்­ஆர்டி நிலை­யத்­துக்கு நேற்று சென்று பார்­வை­யிட்ட அமைச்­சர் கோ, தாம்­சன்-ஈஸ்ட் கோஸ்ட் ரயில் பாதை­யில் ஏற்­கெனவே திறக்­கப்­பட்­டுள்ள நிலை­யங்­கள் அடுத்த மாதத்­தி­லி­ருந்து ஜூலை மாதம் வரை வார­யி­று­தி­களில் வழக்­க­மான இயங்­கும் நேரத்­தைக் காட்­டி­லும் சீக்­கி­ரம் மூடப்­படும் என்று தெரி­வித்­தார்.

அது­மட்­டு­மல்­லாது வார­யி­று­தி­களில் வழக்­க­மான நேரம் போல் இல்­லாது சிறிது நேரம் கழித்து நிலை­யங்­கள் திறக்­கப்­படும் என்­றார் அமைச்­சர் கோ.

அடுத்து திறக்­க­வி­ருக்­கும் ஸ்பி­ரிங்­லீஃப், லென்­டோர், மேஃபிளா­வர், பிரைட் ஹில், அப்­பர் தாம்­சன், கேல்டிகாட் ஆகிய ஆறு நிலை­யங்­க­ளைக் கொண்ட ரயில் பாதை­யில் சோத­னைப் பணி­களை நடத்த இது வகை செய்­யும் என்­றார் திரு கோ.

இந்­நி­லை­யில், அடுத்த மாதம் 3ஆம் தேதி­யி­லி­ருந்து ஜூலை 26 வரை ஒவ்­வொரு வெள்ளி, சனி, ஞாயிற்­றுக்­கி­ழ­மை­களில் தாம்­சன்-ஈஸ்ட் கோஸ்ட் ரயில் பாதை­யில் உள்ள உட்­லண்ட்ஸ் நார்த், உட்­லண்ட்ஸ், உட்­லண்ட்ஸ் சவுத் ஆகிய நிலை­யங்­கள் 10 மணிக்கு மூடப்­படும் என்றும் சனிக்­கி­ழ­மை­க­ளி­லும் ஞாயிற்­றுக்­கி­ழ­மை­க­ளி­லும் காலை 6.30 மணிக்­குத் திறக்­கும் என்­றும் நிலப் போக்­கு­வ­ரத்து ஆணை­ய­மும் எஸ்­எம்­ஆர்டி நிறு­வ­ன­மும் தெரி­வித்­துள்­ளன.