இணைய சேவை விட்டுவிட்டு துண்டிப்பு; பலருக்குப் பாதிப்பு

இணைய சேவை விட்­டு­விட்டு துண்­டிக்­கப்­படும் பிரச்­சி­னையை ஸ்டார்­ஹப் நிறு­வ­னம் எதிர்­கொண்டு வரு­வ­தால் வீட்­டி­லி­ருந்த படி வேலை செய்­யும், கற்­கும் அதன் சேவை­யா­ளர்­கள் இடை­யூறு­க­ளைச் சந்­தித்தனர்.

இதனை ஸ்டார்­ஹப் நிறு­வ­ன­மும் தனது ஃபேஸ்புக் பக்­கம் வாயி­லாக உறு­திப்­ப­டுத்­தி­யுள்­ளது.

கட்­ட­மைப்­புச் சாத­னத்­தில் பழுது ஏற்­பட்­ட­தா­க­வும் அதன் கார­ண­மாக நேற்­றுக் காலை வடக்கு, வட­கி­ழக்­குப் பகு­தி­களில் வசிக்­கும் வாடிக்­கை­யா­ளர்­களில் சிலர் கண்­ணா­டி­யி­ழை அகண்ட அலைவரிசை சேவை­களில் தற்­கா­லிக பாதிப்பை எதிர்­கொண்­ட­தா­க­வும் அந்­நி­று­வனம் தெரி­வித்­தது. கிட்­டத்­தட்ட 20 நிமிட நேரம் சேவை பாதிப்பு இருந்­த­தா­கத் தெரி­விக்­கப்­பட்­டது. மாற்­றுச் சாத­னம் பயன்­ப­டுத்­தப்­பட்­ட­தாகவும் பாதிக்­கப்­பட்ட சேவை­கள் படிப்­ப­டி­யாக மீண்­டும் தொடங்­கியதாகவும் அந்­நி­று­வ­னம் கூறியது.

பின்­னர் பிற்­ப­கல் 3.45 மணிக்கு வெளி­யிட்ட பதிவு ஒன்­றில், இன்­னும் சில வாடிக்­கை­யா­ளர்­கள் இணைய சேவை பிரச்­சி­னை­யைச் சந்­தித்து வரு­வ­தா­க­வும் ஸ்டார்­ஹப் தெரி­வித்­தது.

"பிரச்­சினை குறித்து விசா­ரித்து வரு­கி­றோம். கூடிய விரை­வில் கூடுதல் தக­வல்­களை வெளியிடு­வோம்," என்று அப்­ப­தி­வில் கூறப்­பட்­டி­ருந்­தது.

இணைய சேவை துண்­டிப்பு குறித்து கணக்­கெ­டுக்­கும் 'டௌன் டிடெக்­டர்' இணை­யத்­த­ளம், நேற்­றுக் காலை 11 மணி­ய­ள­வில் ஸ்டார்­ஹப் இணைய சேவை பிரச்­சினை தொடங்­கி­ய­தா­க­வும் 11.30 மணி, பிற்­ப­கல் 3.55 மணிக்கு அது தொடர்­பான புகார்­கள் உச்­சத்­தில் இருந்­த­தா­க­வும் தெரி­வித்­தது.

இது குறித்து சமூக ஊட­கங்­கள் வழி­யா­க­வும் பலர் புகார் கூறி­யி­ருந்­த­னர்.