நான்கு மாதங்களுக்குப் பிறகு வான்குடைப் பயிற்சி துவங்கியது

சிங்­கப்­பூர் ஆயு­தப் படை நான்கு மாதங்­க­ளுக்­குப் பிறகு மேம்படுத்தப்பட்ட பாதுகாப்பு விதிமுறைகளுடன் வான்­குடைப் பயிற்­சி­யைத் தொடங்­கி­யுள்­ளது.

சிங்­கப்­பூர் ஆயு­தப் படை­க­ளின் முழு­நேர தேசிய சேவை­யா­ள­ரான 21 வயது பிரை­வேட் ஜோஷுவா குவெக் ஷு ஜி, 2019 டிசம்­பர் மாதம் 18ஆம் தேதி தைவா­னில் நடந்த சிங்­கப்­பூர் தற்­காப்பு அமைச்சு தனிப்­பட்ட முறை­யில் நடத்­திய வான்­குடைப் பயிற்­சி­யில் ஈடு­பட்­டி­ருந்­த­போது முது­குத் தண்­டில் காயம் அடைந்­தார்.

அறு­வைச் சிகிச்­சைக்­குப் பின் அவ­ருக்கு தீவி­ர கண்­கா­ணிப்­புப் பிரி­வில் சிகிச்சை அளிக்­கப்­பட்­டது.

பின்­னர் அவர் இந்த ஆண்டு ஜன­வரி மாதம் சிங்கப்­பூ­ருக்­குக் கொண்டு வரப்­பட்­டார்.

இங்கு மருத்­து­வ­ம­னை­யில் சிகிச்சை பெற்று வந்த ஜோ‌ஷுவா குண­ம­டைந்து சென்ற மாதம் வீட்­டுக்கு அனுப்பி வைக்­கப்­பட்­டார். இப்­போது வீட்­டில் உடல் நலம் தேறி வரு­கி­றார்.

இந்­தச் சம்­ப­வத்­தால் கடந்த ஆண்டு டிசம்­பர் முதல் வான்­குடைப்­ப­யிற்சி தற்­கா­லி­க­மாக நிறுத்தி வைக்­கப்­பட்­டி­ருந்­தது.

இப்­போது புதிய பாது­காப்பு நடை­மு­றை­க­ளு­டன் வான்­கு­டைப் பயிற்­சியை சிங்­கப்­பூர் ஆயு­தப் படை மீண்­டும் நேற்று முன்­தி­னம் தொடங்­கி­யது.

பிரை­வேட் ஜோஷுவா குவேக் தனது அடிப்­படை வான்­குடை பயிற்­சி­யின்­போது ஐந்­தா­வது, இறுதி முறை­யா­கக் குதித்­த­போது, வான்­கு­டை­யி­லி­ருந்து விமா­னத்­து­டன் இணைக்­கப்­பட்ட கயிறு இடை­யூறு ஏற்­ப­டுத்­தி­யது.

விமா­னத்­தி­லி­ருந்து குதித்­த­போது அந்­தக் கயிறு அவ­ரது கழுத்­தைச் சுற்றி நெரித்­தது.

அத­னால், 21 வயது குவேக் தரை­யில் பாது­காப்­பாக இறங்­கி­னா­லும் அவ­ருக்கு கழுத்­தில் பலத்த காயம் ஏற்­பட்­டது.

சிங்­கப்­பூர் ராணு­வப்­படை இச்­சம்­ப­வம் குறித்து முழு அள­வி­லான விசா­ரணை நடத்த, சிங்­கப்­பூர் ஆயு­தப்­ப­டை­யின் தலை­மைக் கண்­காணிப்­பா­ளர் அலு­வ­ல­கத்­தின் ஆத­ர­வு­டன் குழு ஒன்றை அமைத்து விசா­ரித்­தது. அதே­வே­ளை­யில் கயிற்­று­டன் கூடிய வான்­கு­டைப் பயிற்­சி­க­ளை­யும் தற்­கா­லி­க­மாக நிறுத்தி வைத்­தது.

அப்­போது, “நடப்­பில் உள்ள அனைத்து பாது­காப்­புக் கோட்­பாடு­களும் பாது­காப்பு விதி­மு­றை­களும் மறு­ப­ரி­சீ­ல­னைக்கு உட்­படுத்­தப்­படும்,” என்­றும் தற்­காப்பு அமைச்­சர் இங் கூறி­யி­ருந்­தார்.

இந்­நி­லை­யில், சிங்­கப்­பூர் ஆயு­தப்­ப­டை­யின் 240வது வான்­கு­டைப் பயிற்­சி­யின் ஒரு பகு­தி­யாக மின்­னல்­படை பயிற்­சிப் பாணி­யி­லான பயிற்சி கடந்த செவ்­வாய்க்­கி­ழமை நடத்­தப்­பட்­டது என­வும் அந்­தப் பயிற்சி புதிய பாது­காப்பு நடை­முறை­க­ளு­டன் நடத்­தப்­பட்­ட­தாக சிங்­கப்­பூர் ஆயு­தப்­படை தனது ஃபேஸ்புக் தளத்­தில் கூறி­யுள்­ளது.

புதிய மேம்­ப­டுத்­தப்­பட்ட பாது­காப்பு நடை­மு­றைப்­படி, வான்­குடை வீரர் மற்­றும் பயிற்­சி­யா­ளர் அணிந்­தி­ருக்­கும் தலைக்­க­வ­சத்­தில் புகைப்­ப­டக்­க­ருவி பொருத்­தப்­பட்­டி­ருக்­கும்.

இதன்­மூ­லம் வான்­கு­டைப்­ப­யிற்­சி­யின் நட­வ­டிக்­கை­கள் பதி­வு­செய்­யப்­படும். பயிற்­சிக்­குப் பின்­னர், அந்­தப் பதி­வு­கள் சீராய்வு செய்­யப் பயன்­ப­டுத்­தப்­படும் என்­றும் அந்­தப் பதி­வில் தெரி­விக்­கப்­பட்­டது.

இன்­னொரு பாது­காப்பு அம்­ச­மாக எளி­தில் பார்க்­கக்­கூ­டிய வகை­யில் எல்­லைக்­கோட்­டில் அடை­யா­ளக் குறி­யீடு வரை­தல். மேலும் குறைந்த அனு­ப­வம் உள்ள வான்­குடை வீரர்­க­ளுக்கு அதி­க­ள­வி­லான கண்­கா­ணிப்பு இருக்­கும்.

வான்­கு­டைப் பயிற்­சி­யின்­போது தகு­தி­பெற்ற வான்­கு­டைப் பயிற்­சி­யா­ளர் ஒரு­வர் விமா­னத்­தில் இருக்க வேண்­டி­யது அவ­சி­ய­மாக்­கப்­ப­டு­கிறது.

அத்­து­டன் சரி­யான பாது­காப்பு விதி­முறை­கள் பின்­பற்­றப்­ப­டு­கின்­ற­னவா என்­ப­தைக் கண்­கா­ணிக்க இரண்டு தகு­தி­பெற்ற வான்­குடை வீரர்­கள், வெளி­யே­றும் பகு­தி­யில் இருக்க வேண்­டும்.

ஒவ்­வொரு வான்­குடை வீர­ருக்­கும் இப்­போது ‘வாக்கி-டாக்கி’ கருவி வழங்­கப்­படும். அதன் மூலம் அவர்­கள் பாது­காப்­பா­கத் தரை­யி­றங்­கி­யது பற்றி அவர்­க­ளின் பொறுப்­பா­ள­ருக்­குத் தெரி­விக்­க­லாம்.

இர­வில் பயிற்சி மேற்­கொள்­பவர்­கள், பாது­காப்­பா­கத் தரை­யி­றங்­கி­ய­தும் அவர்­க­ளி­டம் இருந்து ஒளி­ரும் பச்சை விளக்­கை­யும் அகச்­சி­வப்பு விளக்­கை­யும் அணைத்­து­வி­ட­வேண்­டும்.

ஆயு­தப்­ப­டை­யின் பாது­காப்­புக் குழு­வி­னர் பரிந்­து­ரைத்த புதிய மேம்­ப­டுத்­தப்­பட்ட நடை­மு­றை­கள் மின்­னல் படைப் பிரி­வைச் சேர்ந்த வான்­குடை வீரர்­க­ளால் சோதித்­துப்­பார்க்­கப்­பட்­ட­தாக மின்­னல் படைத் தலை­வர் கர்­னல் கென்னி டே தெரி­வித்­தார்.

புதிய மேம்­ப­டுத்­தப்­ப­டுத்­தப்­பட்ட பாது­காப்பு நடை­மு­றை­கள் வான்­கு­டைப் பயிற்­சி­யின்­போது ஏற்­படும் ஆபத்­து­க­ளைக் குறைக்­க­வும் பாது­காப்­பாக பயிற்சி செய்­ய­வும் வழி­வ­குக் என்று கர்­னல் டே கூறி­னார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!