மாணவர் முரசு
இ-பேப்பர்
சிங்கப்பூரின் மத்திய பகுதியில் சில்லறை வர்த்தக இடங்களின் வாடகை, இந்த ஆண்டின் முதல் காலாண்டுடன் ஒப்பிடுகையில் 2வது காலாண்டில் 3.5% இறங்கியதாகத் தெரியவந்துள்ளது.
மத்திய பகுதியில் சில்லறை வர்த்தக இடங்களின் விலை 2வது காலாண்டில் 1.5% குறைந்ததாகவும் நகர மறுசீரமைப்பு ஆணையத்தின் புள்ளிவிவரங்கள் தெரிவிக்கின்றன. இந்த இறக்கம், முந்தைய காலாண்டில் 3.1% ஆக இருந்தது குறிப்பிடத்தக்கது.
நாடு முழுவதும் ஏப்ரல் முதல் ஜூன் வரைப்பட்ட கால முடிவில், மொத்தம் 364,000 சதுர மீட்டர் பரப்புள்ள சில்லறை வர்த்தக இடங்கள் உருவாகி வந்தன.
இந்த அளவு, முந்தைய காலாண்டில் 358,000 சதுர மீட்டராக இருந்தது. காலியாக இல்லாத சில்லறை வர்த்தக இடப் பரப்பு இந்த ஆண்டின் 2வது காலாண்டில் நிகர வாடகை இடப்பரப்பில் 93,000 சதுர மீட்டர் குறைந்தது. இது முந்தைய காலாண்டின் அளவைவிட இரு மடங்கிற்கும் கொஞ்சம் அதிகம்.
மாறாக, சில்லறை வர்த்தக இடப் பரப்பு 4,000 சதுர மீட்டர் அதிகரித்தது. இது முந்தைய காலாண்டில் 15,000 சதுர மீட்டர் இறக்கம் கண்டது. இதன் விளை வாக நாடளாவிய சில்லறை வர்த்தக காலி இட விகிதம் 9.6% ஆகக் கூடியது.
மத்திய வட்டாரத்தில் அலுவலக இட வாடகை 2வது காலாண்டில் மாற்றமின்றி இருந்தது. இந்த வாடகை 2020 முதல் காலாண்டில் 0.8% குறைந்தது.
மத்திய பகுதியில் இருக்கும் அலுவலக இடங்களின் விலை 2வது காலாண்டில் 4.3% இறங்கியதாகவும் தெரிகிறது. நாடு முழுவதும் இந்த ஆண்டின் 2வது காலாண்டு முடிவில் சுமார் 668,000 சதுர மீட்டர் அலுவலக இடங்களுக்கான திட்டங்கள் இருந்தன.