நீடித்த நிலைத்தன்மை துறையில் 55,000 வேலை வாய்ப்புகள்

சிங்­கப்­பூர் நிலைத்­தன்மை மேம்­பாட்­டில் அதிக கவ­னம் செலுத்­த­விருக்­கும் வேளை­யில், அத்­து­றை­யில் அடுத்த பத்து ஆண்­டு­களில் 55,000 வேலை­கள் உரு­வாக்­கப்­ப­ட­லாம் என்று எதிர்­பார்க்­கப்­ப­டு­கிறது.

அதில் 4,000 வேலை­கள் அடுத்த 12 மாதங்­களில் உரு­வாக்­கப்­படும் என்று நேற்று அதி­பர் உரை மீதான நீடித்த நிலைத்­தன்மை, சுற்­றுப்­புற அமைச்­சின் பிற்­சேர்க்­கை­யில் தெரி­வித்­தார் அமைச்­சர் கிரேஸ் ஃபூ.

உல­க­ளா­விய உணவு விநி­யோ­கத்­ தொடரில் அதிர்ச்சி அலை­கள் நில­விக்­கொண்­டி­ருக்­கும் தரு­ணத்­தில் உணவு பாது­காப்பை அதி­க­ரிக்க உள்­ளூர் உற்­பத்­தி­யைப் பெருக்க சிங்­கப்­பூர் கவ­னம் செலுத்தி வரும் வேளை­யில், உயர் தொழில்­நுட்ப வேளாண் மற்­றும் மீன்­வ­ளர்ப்பு தொழில்­து­றை­யில் திற­னா­ளர்­க­ளுக்­கான வேலை­கள் உரு­வாக்­கப்­படும் என்­றும் அமைச்­சர் கூறி­னார்.

பொதுச் சுகா­தா­ரத் தர­நி­லை­களை உயர்த்­து­வ­தற்­கான அவ­ச­ரத்தை கொவிட்-19 கொள்­ளை­நோய் உண்­டாக்­கி­யி­ருப்­ப­தால், ‘உணவு பாது­காப்பு பரா­ம­ரிப்­பா­ளர்­கள்’ உணவு அமைப்­பு­களில் நிய­மிக்­கப்­ப­டு­வார்­கள் என்­றும் திரு­வாட்டி ஃபூ சொன்­னார்.

“துப்­பு­ரவு மற்­றும் கழிவு நிர்­வாக நிபு­ணர்­க­ளுக்­கான திறன்­களை அதி­க­ரிப்­ப­தால், அவர்­கள் கிருமி நீக்­கம், மறு­சு­ழற்சி, கழி­வு­நீர் சுத்­தி­க­ரிப்பு ஆகி­ய­வற்­றில் முக்­கிய நிபு­ணத்­துவ பொறுப்­பு­களை ஏற்க முடி­யும்.

“மேலும், பரு­வ­நிலை மாற்­றம், பரு­வ­நிலை அறி­வி­யல் போன்ற குறிப்­பி­டத்­தக்க துறை­க­ளுக்­குக் கல்வி உப­கா­ரச் சம்­ப­ளம் வழங்கி அதன் மூலம் திற­னா­ளர்­களை உரு­வாக்கி, சிங்­கப்­பூ­ரின் நீடிக்க நிலைத்­தன்­மைக்கு ஆத­ர­வ­ளிக்­க­லாம்.

“இதன் மூலம் நீடித்த நிலைத்­தன்மை தொடர்­பான சவால்­க­ளை­யும் எதிர்­கா­லத்­துக்­குத் தேவை­யான வாய்ப்­பு­க­ளை­யும் எதிர்­கொள்ள ஊழி­ய­ர­ணிக்­குப் பயிற்­சி­ய­ளிக்­க­லாம்,” என்­றும் அமைச்­சர் ஃபூ விளக்­கி­னார்.

ஊழி­ய­ர­ணியை உரு­வாக்­கு­வது ஒரு­பு­றம் இருக்க, சுற்­றுப்­பு­ற­வி­யல் சவால்­க­ளைச் சந்­திக்­க­வும் அர­சாங்­கம் சில கொள்­கை­களை அறி­மு­கப்­ப­டுத்­தும்.

உதா­ர­ணத்­துக்கு, சுகா­தா­ரத் தர­நி­லை­களை மேம்­ப­டுத்­து­தல், உள்­ளூர் வேளாண் போன்ற உள்­கட்­ட­மைப்பை ஊக்­கப்­ப­டுத்­து­தல் ஆகி­ய­வற்­றைச் சொல்­ல­லாம்.

இத­னால் உல­க­ளா­விய உணவு விநி­யோ­கத்­ தொடரில் பற்­றாக்­குறை நில­வி­னா­லும் சிங்­கப்­பூ­ரின் உணவு விநி­யோ­கம் அத­னால் பாதிக்­கப்­ப­டாது என்­றும் விவ­ரிக்­கப்­பட்­டது.

சிங்­கப்­பூ­ரின் தண்­ணீர் பாது­காப்­பும் தொடர்ந்து நமது முக்­கிய முன்­னு­ரி­மை­யாக இருக்­கும் என்று வலி­யு­றுத்­திய அமைச்­சர், சாங்­கி­யில் உள்ள புது­நீர் ஆலை விரி­வுப்­ப­டுத்­தப்­படும் என்­றார்.

“சிங்­கப்­பூ­ரின் மர­ப­ணு­வில் நீடித்த நிலைத்­தன்மை எப்­போ­தும் இருந்து வந்­துள்­ளது. அது இப்­போது நமது திட்­டங்­கள், கொள்­கை­கள், செயல்­மு­றை­கள் ஆகி­ய­வற்­றில் முக்­கிய இடத்­தைப் பெற்­றி­ருக்­கும்.

“அத­னால்­தான் முன்பு சுற்­றுப்­புற, நீர்­வள அமைச்­சாக இருந்­தது இப்­போது நீடித்த நிலைத்­தன்மை, சுற்­றுப்­புற அமைச்­சாக பெயர் மாற்­றம் பெற்­றுள்­ளது,” என்­றார்

சிங்­கப்­பூ­ரில் கொவிட்-19 நில­வ­ரம், சாதனை அள­வில் பெரு­கிக்­கொண்­டி­ருக்­கும் டெங்கி பர­வ­ல் ஆகியவற்றைச் சமாளிக்கும் அதே வேளையில், இத்தகைய தொற்று நோய்க்கு எதிராக பொதுச் சுகா தாரத் தரநிலைகளை உயர்த்துவதே தமது அமைச்­சின் உடனடி முன்­னு­ரி­மை­க­ளா­கக் குறிப்­பிட்ட திரு­வாட்டி ஃபூ, இதன் தொடர்­பில் அடுத்த மூன்று முதல் ஆறு மாதங்­களில் புதிய சட்­டம் இயற்­றப்­படும் என்­றும் தமது உரையில் தெரி வித்தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!