மாணவருக்குக் காயம்; முன்னாள் வாள் வீச்சு பயிற்றுவிப்பாளருக்கு அபராதம்

வாள் வீச்சு பயிற்­று­விப்­பா­ள­ரான மாது ஒரு­வர் தனது கைத்தொலை­பே­சியை 13 வயது மாண­வரை நோக்கி வீசி­னார்.

அது அவ­ரின் மூக்­கில் பட்டு வெட்­டுக் காயத்தை ஏற்­ப­டுத்­தி­விட்­டது. அதற்­குத் தையல் போட்டு சிகிச்சை அளிக்க வேண்­டிய நிலை ஏற்­பட்­டு­விட்­டது.

சான் ஷிஹான் என்ற அந்த பயிற்­று­விப்­பா­ள­ரி­டம் பயிற்சி பெற்ற அந்தப் பையன், அவர் சொன்னதைச் செய்யவில்லை.

அத­னால் கோபம் அடைந்த அந்த மாது, தன் கோபத்­தைக் காட்­டும் வகை­யில் அந்த மாணவர் இருந்த இடத்­தில் போடப்­பட்டு இருந்த ஒரு கோட்டை நோக்கி கைபே­சி­யை எறிந்­தார். ஆனால் அது தவறி மாண­வ­ரின் மூக்­கில் பட்­டு­விட்­டது.

மாண­வ­ரின் வயது கார­ண­மாக, அந்­தப் பையனின் பெயர், படிக்­கும் பள்ளிக்­கூ­டம் போன்ற விவ­ரங்­களை வெளி­யி­டக்­கூ­டாது.

முன் யோசனையின்றி செயல் பட்டு காயம் ஏற்­ப­டுத்­தி­ய­தாகக் கூறும் குற்­றச்­சாட்­டின் பேரில் மாது குற்­றத்தை ஒப்­புக்­கொண்­டார். அவ­ருக்கு $2,000 அப­ரா­தம் விதிக்­கப்­பட்­டது. சிங்­கப்­பூ­ர­ரான சான், 27, 'பிளேடு கிளப் சிங்­கப்­பூர்' என்ற வாட்போர் சங்­கத்­தைச் சேர்ந்­த­வர். சென்ற ஆண்டு பிப்ரவரி 20 ஆம் தேதி காற்­பந்து தற்­காப்பு ஆட்ட உத்­தி­க­ளைப் போதிக்க அவர் அந்த மாண­வரின் பள்­ளிக்­குச் சென்­றி­ருந்­தார்.

மாலை சுமார் 5 மணிக்கு இடை­வே­ளை­யாக பயிற்சி நிறுத்­தப்­பட்­டது. 20 நிமி­டம் கழித்து மறு­ப­டி­யும் பயிற்சி தொடங்­கும், எல்­லா­ரும் கூட­வேண்­டும் என்­றார் பயிற்­று­விப்­பா­ளர்.

களைப்­பு­டன் இருந்த அந்த 13 வய­துப் பையன், அதைக் காதில் வாங்­காமல் உட்­கார்ந்து இருந்­த­தைக் கண்ட மாது மாண வனை எழச் சொன்­னார். மாண­வன் அதைக் கேட்­க­வில்லை.

கோபம் அடைந்த மாது கைத்தொ­லை­பே­சியை வீசி­னார். மூக்­கில் இரத்­தம் வந்­த­தைக் கண்­டும் அவர் பைய­னுக்கு முத­லு­தவி அளிக்­க­வில்லை. பொறுப்­பில் இருந்த ஆசி­ரி­ய­ரி­டம் நடந்­ததை அந்த மாது சொன்­னதாக விசா­ர­ணை­யில் தெரி­விக்­கப்­பட்­டது.