'மனநல பிரச்சினைகள் தீர சகாக்களின் உதவி முக்கியம்'

கொவிட்-19 கார­ண­மாக பல­ருக்­கும் பெரும் பாதிப்­பு­கள் ஏற்­பட்டு இருக்­கின்­றன. அதே­வே­ளை­யில், மன­ந­லப் பிரச்­சி­னை­களை எதிர்­நோக்­கு­வோ­ருக்கு நில­வ­ரங்­கள் இன்­னும் சிர­ம­மாகி இருக்­கின்­றன என்று அதி­பர் ஹலிமா யாக்­கோப் நேற்று தெரி­வித்­தார்.

மன­ந­லப் பிரச்­சி­னை­களை எதிர்­நோக்­கு­வோ­ருக்­கா­க செயல்­படும் Psalt Care என்ற அறப்­பணி அமைப்­பில் ஒரு புதிய செயல் மையத்தை திறந்­து­வைத்து அதி­பர் உரை­யாற்­றி­னார்.

மன­ந­லப் பிரச்­சி­னையை எதிர்­நோக்­கு­வோ­ருக்கு கூடு­தல் ஆத­ர­வும் ஊக்­கு­விப்­பு­களும் தேவை என்­பதை திரு­வாட்டி ஹலிமா யாக்­கோப் சுட்­டி­னார். இருந்­தா­லும் அவர்­க­ளைப் போன்­ற ­சகாக்கள் ஆத­ரவு அளிப்­பது இதில் முக்­கி­ய­மா­னது என்­றார் அவர்.

மன­ந­லப் பிரச்­சி­னை­களை எதிர்­நோக்­கு­வோ­ருக்கு அதே அனு­ப­வங்­க­ளைச் சந்­தித்து இருப்­பவர்­கள் சொல்­லும் ஆலோ­ச­னை­களும் அறி­வு­ரை­களும் விரும்­பிய பலன்­களை ஏற்­ப­டுத்­தும் என்­றும் மன­ந­லப் பிரச்­சி­னை­களில் இருந்து மீண்டு வரு­வது இதனால் சுல­ப­மா­கும் என்றும் அதி­பர் கூறினார்.

அதி­பர் சவால் நிதி மூலம் ஆதரவு பெறும் அமைப்­பு­களில் Psalt Care அறப்­பணி அமைப்­பும் ஒன்று. ஒத்த அனு­ப­வங்­க­ளைக் கொண்­ட­வர்­க­ளின் உத­வி­யு­டன் இந்த அறப்­பணி அமைப்பு தன்னை நாடி வரும் மன­நல நோயா­ளி­களுக்­குச் சிகிச்சை அளிக்­கிறது.

முறை­யாகப் பயிற்சி பெற்ற தொண்­டூ­ழி­யர்­கள் ஆத­ர­வா­ளர்­களாக இருந்து உத­வு­கி­றார்­கள்.

சகாக்­கள் ஒருவருக்கு ஒருவர் உத­விக்கொள்­ளும் ஓர் இடம்­தான் இந்­தப் புதிய மையம் என்று Psalt Care அமைப்­பின் நிர்­வாக இயக்­கு­நர் ஜாக்கி டே கூறினார்.

இத்­த­கைய மேலும் பல இடங்கள் வருங்­கா­லத்­தில் சிங்­கப்­பூர் முழு­வ­தும் அமைக்­கப்­படும் என்­றும் அவர் தெரி­வித்­தார்.