மாணவர் முரசு
இ-பேப்பர்
கொவிட்-19 கிருமித்தொற்றை எதிர்த்துப் போராடுவதில் வைட்டமின் டி கைகொடுப்பதாக ஆய்வாளர்கள் குறிப்பிடுகின்றனர்.
பொதுவாக, சூரிய ஒளியிலிருந்து நமது உடலே நமக்குத் தேவையான வைட்டமின் டியை தயாரித்துக்கொள்ளும். அதனாலேயே சூரிய ஒளி நம் தோலின் மீது படும்படி தினமும் சிறிது நேரம் இருப்பது நல்லது என்பர்.
ஆனால், சிங்கப்பூரில் பெரும்பாலானோர் கட்டடங்களின் உள்ளே வேலை செய்பவர்களாக இருப்பதால், இங்கு இருப்போரில் 32.9 விழுக்காட்டினருக்கு வைட்டமின் டி குறைபாடு இருப்பதை ஆய்வு ஒன்று தெரிவிக்கிறது.
கடந்த ஆண்டில் நடத்தப்பட்ட இந்த ஆய்வு முடிவௌ சிங்கப்பூர் தொழில்நுட்பக் கழகத்தைச் சேர்ந்த சத்துணவு நிபுணரும் துணைப் பேராசிரியருமான வெரேனா டான் எடுத்துக்காட்டி உள்ளார்.
வைட்டமின் டி குறைபாடு காரணமாக உடலில் கால்சியம் உறிஞ்சப்படுவதும் தடுக்கப்படுகிறது.
ஆனால், மருத்துவரின் ஆலோசனையின் பேரில்தான் வைட்டமின் டி மாத்திரைகளை உட்கொள்ள வேண்டும் என்பது குறிப்பிடத்தக்கது.
