சுடச் சுடச் செய்திகள்

வேலை தேடுவோருக்கு பொங்கோலில் உதவி

பொங்­கோல் 21 சமூக மன்­றத்­துக்கு வெளியே வண்­ண­ம­ய­மான கப்­பல் கொள்­க­லன் ஒன்று வைக்கப்­பட்டு­உள்­ளது.

வேலை தேடி வரு­வோ­ருக்கு வேலை வாய்ப்­பு­க­ளைத் தேடித் தரும் மற்­றும் வேலை தொடர்­பான ஆலோ­சனை வழங்­கும் நிலை­ய­மாக அது செயல்­ப­டு­கிறது.

‘ஜாப் கொண்­டே­னர்’ என்று அழைக்­கப்­படும் அந்த நிலை­யத்தை பாசிர் ரிஸ்-பொங்­கோல் குழுத் தொகுதி மற்­றும் பொங்­கோல் வெஸ்ட் தனித்­தொ­குதி ஆகி­ய­வற்­றின் நாடா­ளு­மன்ற உறுப்­பி­னர்­கள் நேற்று அதி­கா­ர­பூர்­வ­மா­கத் திறந்து வைத்­த­னர்.

வார இறு­தி­களில் திறந்­தி­ருக்­கும் அந்த நிலை­யத்­தில் சிங்­கப்­பூர் ஊழி­ய­ரணி அமைப்பு, ‘ஸ்கில்ஸ் சென்­டர் வித் புரோ­ஜெக்ட் சக்­சஸ்’ அமைப்பு ஆகி­ய­வற்­றின் சேவை­கள் ஒருங்­கி­ணைக்­கப்­பட்­டி­ருக்­கும்.

குடி­யி­ருப்­பா­ளர்­கள் வேலை தொடர்­பான தங்­கள் விருப்பங்­கள் பற்றி மனம் விட்டுப் பேச, ‘ஜாப் கொண்­டே­னர்’ நிலை­யம் ஓர் உகந்த இடம் என்­றார் பொங்­கோல் ஷோர் வட்­டா­ரத்தை மேற்­பார்­வை­யி­டும் நாடா­ளு­மன்ற உறுப்­பி­னர் திரு­வாட்டி இயோ வான் லிங்.

“வேலை­யின்­மை­யும் ஆட்­கு­றைப்­பும் பேசு­வ­தற்கு மிக­வும் சர்ச்­சை­யான விவ­கா­ரங்­கள். இதன் கார­ண­மா­கத்­தான் மக்­கள் மனந்­தி­றந்து பேசு­வ­தற்கு ஒரு சிறந்த இடத்தை அமைத்­துக் கொடுப்­பது முக்­கி­யம் எனக் கரு­தி­னோம்,” என்­றார் திரு­வாட்டி இயோ.

பொங்­கோல் ஷோர் வட்­டா­ரத்­தில் அமைந்­துள்ள சமூக மன்­றத்­தில் நடை­பெ­றும் வேலைச் சந்­தை­யில் செய்­தி­யா­ளர்­க­ளி­டம் பேசி­னார் திரு­வாட்டி இயோ.

இந்த ஒரு நாள் வேலைச் சந்­தை­யில், சுகா­தா­ரப் பரா­ம­ரிப்பு, உணவு, பானம் ஆகிய துறை­களில் உள்ள கிட்­டத்­தட்ட 1,000 வேலை­கள் வழங்­கப்­பட்­டன.

“கொவிட்-19 நில­வ­ரத்­தால் பெரி­தும் பாதிக்­கப்­பட்ட விமா­னத்­து­றை­யி­லும் இதர தொழில்­து­றை­க­ளி­லும் குடி­யி­ருப்­பா­ளர்­கள் பலர் வேலை செய்­கி­றார்­கள். ஆகவே, இது­போன்ற வேலைச் சந்­தை­கள் குடி­யி­ருப்­பா­ளர்­களை இன்­னும் நெருக்­க­மா­கக் கொண்டு வரு­வ­து­டன் குடி­யி­ருப்­பா­ளர்­க­ளுக்கு நாம் உத­வ­வும் வாய்ப்­ப­ளிக்­கிறது,” என்­றார் பாசிர் ரிஸ் ஈஸ்ட் வட்­டா­ரத்­துக்­குப் பொறுப்பு வகிக்­கும் நாடா­ளு­மன்ற உறுப்­பி­னர் ஷாரி­யல் தாஹா.

திரு­வாட்டி இயோ, திரு ஷாரி­யல் தாஹா இரு­வ­ரு­டன் சேர்ந்து மூத்த அமைச்­சர் டியோ சீ ஹியன், உள்­துறை மற்­றும் நீடித்த நிலைத்­தன்மை, சுற்­றுப்­புற துணை அமைச்­சர் டெஸ்­மண்ட் டான், கல்வி மற்­றும் சமு­தாய, குடும்ப மேம்­பாட்டு துணை அமைச்­சர் சுன் சூலிங் ஆகி­யோர் இணைந்து புதிய ‘ஜாப் கொண்­டே­னர்’ வேலை ஆலோ­சனை நிலை­யத்­தைத் திறந்து வைத்­த­னர்.

வரும் நவம்­பர் மாதத்­தில், திரு­வாட்டி இயோ­வின் பொங்­கோல் ஷோர் வட்­டா­ரம், தன்­னு­ரிமை பணியாளர்க­ளுக்கு PS Lvbang எனும் வழி­காட்டி தளத்தை தொடங்­க­வி­ருக்­கிறது.

அதன் மூலம் தன்­னு­ரிமை தொழி­லா­ளர்­கள் தங்­கள் சேவை­களைக் குடி­யி­ருப்­பா­ளர்­க­ளி­டம் விளம்­ப­ரப்­ப­டுத்­த­லாம். அது தொடர்­பான மேல் விவ­ரங்­கள் அடுத்த மாதம் வெளி­யி­டப்­படும்.

சுகா­தா­ரப் பரா­ம­ரிப்­புத் துறைக்கு பணி­யிடை மாற்­றம் செய்ய விரும்­பும் ஒன் பொங்­கோல் குடி­யி­ருப்­பா­ள­ரான 45 வயது திரு­வாட்டி ஆங் அய் லியான், ஓராண்­டுக்கு முன் தாம் பார்த்த கணக்­கி­யல் வேலை­யி­லி­ருந்து ஓய்வு எடுக்க நினைத்­தார். அதன் பிறகு அவர் சிங்­கப்­பூர் எக்ஸ்போ அரங்­கில் கொவிட்-19 நோயா­ளி­க­ளுக்கு உத­வும் செயல்­பாட்டு ஆத­ரவு உத­வி­யா­ள­ராக தொண்­டூ­ழி­யம் புரிந்­தார்.

“அந்த வேலை­யில் நான் மிகுந்த திருப்­தி­ய­டைந்­ததை பிறகு உணர்ந்­தேன். முத­லில், ஒரு வேலை­யைச் செய்ய உங்­கள் மனம் விரும்­பும். ஆனால் அதில் உங்­க­ளுக்கு அனு­ப­வம் இல்லை என்­ப­தால், அதை செய்ய நீங்­கள் தயங்­கு­வீர்­கள்.

“ஆனால் இப்போது, அது எனக்குப் பிடித்த வேலையாகி விட்டது. அதனால்தான் நான் இங்கு வந்திருக்கிறேன்,” என்றும் கூறினார் திருவாட்டி ஆங்.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon