போதைப்பொருள்: இளவயது பிள்ளைகளை அனுமதித்த பெண்ணுக்கு கடும் தண்டனை

பதின்ம வய­துப் பிள்­ளை­களை போதைப்­பொ­ருள் புகைப்­பதை அனு­ம­தித்த குற்­றத்­திற்­காக பெண் ஒரு­வ­ருக்கு ஏழாண்டு, ஒன்­பது மாதங்­கள் சிறைத் தண்­டனை விதிக்­கப்­பட்டு உள்­ளது. அத்­து­டன் $10,300 அப­ரா­த­மும் விதிக்­கப்­பட்­டுள்­ளது.

நூர் ஃபதிலா அஸ்­லான், 28, (படம்) எனப்­படும் அப்பெண் புக்­கிட் பாத்­தோக் வெஸ்ட் அவென்யூ 4ல் வீடு ஒன்­றின் அறையை வாட­கைக்கு எடுத்து தமது இரு குழந்­தை­க­ளு­டன் தங்கி இருந்­தார். தீர்வை செலுத்­தப்­ப­டாத கள்ள சிக­ரெட்­டு­களை இந்­தோ­னீ­சி­யா­வி­லி­ருந்து வாங்கி, இங்கு விற்­கத் தொடங்­கி­னார். விரை­வா­கப் பணம் சம்­பா­திக்­கும் நோக்­கில் போதைப்­பொ­ருள் கடத்துபவராக அவர் மாறி­னார் என நீதி­மன்­றத்­தில் தெரி­விக்­கப்­பட்­டது.

கடந்த ஆண்டு செப்­டம்­பர் 24ஆம் தேதி இரவு தமது அறை­யில் ஐஸ் போதைப்­பொ­ருளை புகைத்­துக்­கொண்­டி­ருந்த ஃபதிலா, மூன்று பதின்ம வய­துப் பிள்­ளை­க­ளுக்கு போதைப்­பொ­ருள் வழங்க முடிவு செய்­தார். 18 வய­துக்­குக் குறை­வா­னர்­கள் என்­ப­தால் பதின்ம வய­துப் பிள்­ளை­க­ளைப் பற்­றிய விவ­ரங்­கள் வெளி­யி­டப்­ப­ட­வில்லை.

அதன் பிறகு அந்த அறை­யில் பல நாட்­கள் தங்­கிய சிறு­பிள்­ளை­கள் அடிக்­கடி போதை­யில் மயங்­கிக் கிடந்­த­தாக அர­சுத்தரப்பு வழக்­க­றி­ஞர் தெரி­வித்­தார். ஐஸ் போதைப் பொருளை புகைக்க விரும்­பிய பிள்­ளை­களை அவ்­வாறு செய்ய அந்­தப் பெண் அனு­ம­தித்­தா­க­வும் அவர் கூறி­னார்.

சம்­ப­வம் நடை­பெற்­ற­தற்கு மறு­நாள் மத்­திய போதைப் பொருள் ஒழிப்­புப் பிரிவு அதி­கா­ரி­கள் சோதனை நடத்தி நால்­வ­ரை­யும் கைது செய்­த­னர்.

21 வய­துக்கு உட்­பட்­ட­வர்­களை போதைப்­பொ­ருள் அனு­ப­விக்க அனு­ம­தித்த குற்­றத்­திற்­காக தண்­டிக்­கப்­படும் முத­லா­ம­வர் இந்­தப் பெண் என்­பது குறிப்­பி­டத்­தக்­கது.