மாணவர் முரசு
இ-பேப்பர்
சிங்கப்பூரில் சுற்றுப்புறத்தை ஆதரிக்கும் ஒரு வாடிக்கையாளர் நீங்களாக இருக்க வேண்டும் என்று விரும்புனால், நீங்கள் பருத்தியினால் ஆன பையைவிட, பல முறை பயன்படுத்தக்கூடிய மறுபயனீட்டுப் பையை உபயோகிக்க வேண்டும் என்றும் அதுவே மிகச் சிறந்த தெரிவு என்றும் புதிய ஆய்வு ஒன்று தெரிவிக்கிறது.
நன்யாங் தொழில்நுட்பப் பல்கலைக்கழகமும் ஃபின்லாந்தில் உள்ள அவர்களின் சகாக்களும் இதைக் கண்டுபிடித்துள்ளனர்.
குறைந்தது 50 முறை பயன்படுத்தப்படக்கூடிய மறுபயனீட்டுப் பைகளைவிட, ஒரு முறையே பயன்படுத்தக்கூடிய பிளாஸ்டிக் பைகள் உலக வெப்பமயமாதலுக்கு 14 மடங்கு அதிக அபாயத்தை ஏற்படுத்துகின்றன என்றும் ஆய்வாளர்கள் கூறுகின்றனர்.
ஆக, மேற்குறிப்பிடப்பட்டுள்ள பை வகைகளை அடுத்து மூன்றாம் சிறந்த தெரிவாக உள்ளது, ஒரு முறை பயன்படுத்தக்கூடிய மக்கிப்போகும் பாலிமர்கள் உள்ள பிளாஸ்டிக் பைகள். இவை உலக வெப்பமயமாதலுக்கு 16 மடங்கு அதிக அபாயத்தை ஏற்படுத்துகின்றன. அதற்கு அடுத்த நிலையில் மீண்டும் பயன்படுத்தக்கூடிய பருத்தியிலான பைகள். இவை 17 மடங்கு அதிக அபாயத்தை ஏற்படுத்துகின்றன என்று ஆய்வுக்குத் தலைமையேற்ற இணைப் பேராசிரியர் கிரேகோர்ஸ் லிசாக் கூறினார்.