இயற்கை, வரலாற்று அம்சங்களுடன் புதிய பூங்கா

புதிய பாசிர் பாஞ்­சாங் பூங்கா அடுத்த ஆண்­டி­லி­ருந்து படிப்­ப­டி­யாக திறக்­கப்­பட இருக்­கிறது. இயற்கை, கடல்­துறை வர­லாற்று அம்­சங்­க­ளு­டன் இப்­பூங்கா அமைக்­கப்­படும் என்று தேசிய பூங்­காக் கழ­கம் நேற்று தெரி­வித்­தது.

வெஸ்ட் கோஸ்ட் பூங்­கா­வி­லி­ருந்து லேப்­ர­டோர் இயற்கை வனம் வரை இப்­பூங்கா அமைந்­தி­ருக்­கும். பாசிர் பாஞ்­சாங் என்­றால் மலாய் மொழி­யில் மணல் நிறைந்த நீண்ட கடற்­கரை என்­ப­தா­கும்.

1970களில் நடத்­தப்­பட்ட நில மீட்­புத் திட்­டத்­தா­லும் பாசிர் பாஞ்­சாங் துறை­மு­கம் கட்­டப்­பட்­ட­தா­லும் இந்த வட்­டா­ரம் வளர்ச்சி கண்­டது. புதிய பூங்­காவை வடி­வ­மைப்ப­தற்கு முன்பு கிட்­டத்­தட்ட 170 பங்கு­தா­ரர்­க­ளு­டன் தேசிய பூங்­காக் கழ­கம் கலந்­து­ரை­யா­டல் நடத்­தி­யது.

கடந்த ஜன­வரி மாதம் 18ஆம் தேதி­யி­லி­ருந்து மே மாதம் 31ஆம் தேதி வரை நடை­பெற்ற கலந்­து­ரை­யா­ட­லில் பங்­கேற்­ற­வர்­களில் பாசிர் பாஞ்­சாங் வட்­டா­ரக் குடி­யி­ருப்­பா­ளர்­களும் தன்­னார்­வக் குழுக்­க­ளைச் சேர்­ந்த­வர்­களும் அடங்­கு­வர். பாசிர் பாஞ்­சாங்­கின் வர­லாற்­றில் பெரு­மை­கொள்­ளும் குடி­யி­ருப்­பா­ளர்­களும் பூங்­கா­வின் வடி­வ­மைப்­பில் முக்­கிய இடம்­பெற வேண்­டும் என்ற கோரிக்­கையை முன்­வைத்­த­னர்.

“பாசிர் பாஞ்­சாங் பூங்­கா­வுக்கு வரு­ப­வர்­க­ளி­டம் அவ்­வட்­டா­ரத்­தின் வர­லாறு பற்றி எடுத்­து­ரைக்­கப்­படும். இதற்­கென்றே வடி­வ­மைக்­கப்­பட்ட கலைப்­பொ­ருட்­கள், நிகழ்ச்­சி­கள் ஆகி­ய­வற்­றின் மூலம் பாசிர் பாஞ்­சாங்­கின் சிறப்­பு­கள் பற்றி தெரிந்து­ கொள்­வர்,” என்று கழ­கம் விவரித்தது.

சிங்­கப்­பூர் துறை­முக ஆணை­யத்­தால் நன்­கொடையாக அளிக்கப்பட்ட துறை­மு­கம் தொடர்­பான பொருட்­க­ள் பூங்­கா­வின் குறிப்­பிட்ட சில இடங்­களில் வைக்­கப்­படும்.

“சுய வழி­காட்டி உலாக்­க­ளுக்கு பங்­கு­தா­ரர்­கள் விருப்­பம் தெரி­வித்­த­னர். பாசிர் பாஞ்­சாங்­கின் வர­லாறு பற்றி படித்து தெரிந்­து­கொள்­வ­தை­விட, கடந்த கால வாழ்க்­கை­

மு­றை­யைப் பற்றி பிற­ரி­ட­மி­ருந்து கேட்­டுத் தெரிந்­து­கொள்ள அவர்­கள் விரும்­பு­கின்­ற­னர்,” என்று கழ­கம் கூறி­யது. புதிய பூங்­காவை அமைக்க தேவை­யான பொருட்­களை வழங்கு ­வ­தில் பாசிர் பாஞ்­சாங் குடி­யி­ருப்­பா­ளர்­கள் முக்­கி­யப் பங்கு வகிக்­கின்­ற­னர்.

“மர­பு­டை­மைப் பல­கை­க­ளி­லும் மர­பு­டைமைக் கலைக்­கூ­டங்­க­ளி­லும் பாசிர் பாஞ்­சாங் தொடர்­பான பழைய புகைப்­ப­டங்­கள் இடம்பெ­றும். இவற்­றைப் பொது­மக்­கள் வழங்­கி­யுள்­ள­னர்.

“இதன்­மூ­லம் பாசிர் பாஞ்­சாங்­கின் கதையை அறிந்­து­கொள்­ள­லாம். பாசிர் பாஞ்­சாங் தொடர்­பான படங்­கள், தக­வல்­கள் ஆகி­ய­வற்றை மேலும் பலர் பகிர்ந்­து­கொள்ள இது ஊக்­கு­விப்­பாக அமை­யும்,” எனக் கழ­கம் தெரி­வித்­தது.

புதிய பூங்­கா­வின் பிர­தான அம்­சம் செயற்­கை­யா­ன­தாக இருக்­கக்­கூ­டாது என்றும் இயற்­கை­யா­ன­தாக இருக்க வேண்­டும் என்றும் பங்­கு­தா­ரர்­களில் பெரும்­பா­லா­னோர் கூறி­னர். பாசிர் பாஞ்­சாங் வட்­டா­ரத்­தில் மேம்­பாட்­டுப் பணி நடத்­தப்­பட்­ட­தற்கு முன் அவ்­வட்­டா­ரம் எப்­படி இருந்­ததோ அப்­ப­டியே வடி­வ­மைக்க முயற்சி எடுக்­கப்­பட்­டுள்­ளது.

இதனால் புதிய பூங்காவில் கடலோரத் தாவரங்கள் நடப்படும்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!