இரைப்பைப் புற்றுநோயைக் கண்டறிய ரத்தப் பரிசோதனை

இரைப்பை சம்­பந்­த­மான புற்­று­நோயை அதன் ஆரம்­ப­க்கட்­டத்­தி­லேயே கண்­ட­றி­யும் ரத்­தப் பரி­சோ­தனை முறை தற்­போது சோதிக்­கப்­பட்டு வரு­வ­தாக தேசிய பல்­க­லைக்­க­ழக சுகா­தார முறை (என்யு­எச்­எஸ்) தெரி­வித்­துள்­ளது.

சிங்­கப்­பூ­ரில் இரைப்பை புற்­று­நோய் ஒவ்­வோர் ஆண்­டும் ஏறத்­தாழ 300 பேரின் உயி­ரைப் பறிக்­கிறது. ஆண்­க­ளி­டையே ஏற்­படும் புற்­று­நோய் மர­ணங்­களில் இரைப்பை புற்­று­நோய் ஐந்­தா­வது இடத்­தி­லும் பெண்­க­ளி­டையே அது ஆறா­வது இடத்­தி­லும் உள்­ளது.

இரைப்பைப் புற்­று­நோய் முற்­றிய நிலையை எட்­டும்­போது அது கண்­ட­றி­யப்­ப­டு­கிறது. இத­னால் அத­னைக் குணப்­ப­டுத்­து­வது சிர­ம­மா­கிறது.

பொது­வாக ‘எண்­டோஸ்­கோபி’ (Endoscopy) பரி­சோ­தனை மூலம் அந்­நோய் கண்­ட­றி­யப்­ப­டு­கிறது. இந்­தப் பரி­சோ­தனை முறைக்கு அதி­கம் செல­வா­வ­தோடு அது உட­லில் ஊடு­ரு­வும் தன்­மை­யை­யும் (invasive) கொண்­டது.

இந்­தப் பரி­சோ­தனை முறை­யில் கேமரா கருவி கொண்ட மெல்­லிய குழாய், வாய் வழி­யாக தொண்­டைக்­குள் செலுத்தப்பட்டு அது வயிறு வரை இறக்­கப்­ப­டு­கிறது. மருத்­து­வக் கட்­டணக் கழிவு போக, எண்­டோஸ்­கோ­பிக்கு $200 முதல் $800 வரை செல­வா­கும் என்று சுகா­தார அமைச்­சின் இணை­யப் பக்­கம் குறிப்­பி­டு­கிறது.

மாறாக, தற்­போது சோதிக்­கப்­பட்­டு வரும் ரத்­தப் பரி­சோதனைக்கு அதை­விட செலவு குறை­வா­கும். பொது மருத்­து­வ­ம­னை­களில் அதற்கு $200க்கும் குறை­வாக செல­வா­க­வும் எனத் தெரி­விக்­கப்­ப­டு­கிறது.

மேலும், ரத்­தப் பரி­சோ­தனை உட­லில் ஊடு­ரு­வும் தன்மை கொண்­ட­தல்ல. இத­னால் இரைப்பைப் புற்­று­நோயை ஆரம்­பக்­கட்­டத்­தி­லேயே கண்­ட­றிய இந்தப் பரி­சோ­தனை முறை பொது­மக்­க­ளி­டையே அதிக வர­வேற்பைப் பெறும் என எதிர்­பார்க்­கப்­ப­டு­கிறது. எண்­டோஸ்­கோபி மீதான சார்­பு­நி­லை­யை­யும் இது குறைக்க உத­வும். ரத்­தப் பரி­சோ­தனை முடி­வு­கள் ஒரு வாரத்­திற்­குள் மருத்­து­வ­ரி­டம் அனுப்பி வைக்­கப்­ப­ட­லாம். இந்­தப் பரி­சோ­தனை முறையை உரு­வாக்­கு­வ­தற்­கான முயற்சி 2012ல் தொடங்­கி­யது.

அனைத்து இரைப்பைப் புற்­று­நோய்­க­ளி­லும் 87 விழுக்­காட்­டைத் துல்­லி­ய­மா­கக் கண்­ட­றி­யும் ஆற்­றலை ரத்­தப் பரி­சோ­தனை கொண்­டி­ருக்­கிறது. குறிப்­பாக, முதல் கட்ட புற்­று­நோய்­களில் 87.5 விழுக்­காட்டை அது கண்­ட­றி­யும்.

எண்­டோஸ்­கோபி முறை­யை­விட ரத்­தப் பரி­சோ­தனை விலை கட்­டுப்­ப­டி­யாக இருப்­ப­தால், இரைப்பைப் புற்­று­நோய் ஏற்­படும் சாத்­தி­ய­முள்ள பிரி­வி­ன­ரி­டையே நடத்­தப்­படும் தேசிய அள­வி­லான பரி­சோ­த­னை­யில் ரத்­தப் பரி­சோ­தனை சேர்க்­கப்­படும் வாய்ப்பு உள்­ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!