இளையரிடையே போதைப்புழக்கம்: முறியடிக்கும் முயற்சிகளில் குடும்பத்தாரை ஈடுபடுத்த திட்டம்

இளை­யர்­க­ளின் போதைப்­பொ­ருள் புழக்­கத்தை முறி­ய­டிக்­கும் முயற்­சி­களில் அவர்­க­ளின் குடும்ப உறுப்­பி­னர்­க­ளை­யும் ஈடு­ப­டுத்த அதி­காரி­கள் திட்­ட­மிட்­டுள்­ள­னர்.

சென்ற ஆண்டு பிடி­பட்ட புதிய போதைப்­பொ­ருள் புழங்­கி­களில், 30 வய­துக்­குக் குறை­வா­ன­வர்­கள் 60 விழுக்­காட்­டி­னர். இவ்­வாறு இளை­யர்­க­ளி­டையே போதைப்­பு­ழக்­கம் அதி­கம் காணப்­ப­டு­வ­தால், பிரச்­சி­னை­யைக் களைந்­தெ­றி­வ­தற்­காக புதிய திட்­டங்­கள் மேற்­கொள்­ளப்­படும். திட்­டங்­களை நிறை­வேற்ற, போதைப்­பு­ழங்­கி­க­ளின் பெற்­றோ­ரின் உதவி நாடப்­படும். அவர்­க­ளின் ஒத்­து­ழைப்பு அவ­சி­யம் என்­றார் உள்­துறை, தேசிய வளர்ச்சி துணை அமைச்­சர் முகம்­மது ஃபைசால் இப்­ரா­ஹிம்.

முன்­னாள் போதைப்­பு­ழங்­கி­களை மீண்­டும் சமூ­கத்­தில் ஒருங்­கிணைக்க தற்­போ­துள்ள கட்­டமைப்பை மேலும் வலு­வாக்க உள்­ள­தா­க­வும் இணைப் பேரா­சி­ரி­யர் ஃபைசால் தெரி­வித்­தார். மேம்­படுத்­தப்­பட்ட கட்­ட­மைப்­பால் முன்­னாள் போதைப்­பு­ழங்­கி­கள் மறு­படி­யும் அப்­ப­ழக்­கத்­திற்­குத் திரும்­ப­மாட்­டார்­கள் என்று கூறப்­பட்­டது.

"இள வயது என்­ப­தால் இன்­னும் பல ஆண்­டு­கள் உள்­ளன. போதைப்­பொ­ரு­ளுக்கு அடி­மை­யா­கும்­போது, அவர்­க­ளின் தனிப்­பட்ட வாழ்க்­கையை மட்­டும் அது பாதிக்­காது, அவர்­க­ளின் குடும்­பத்­தார், சமூ­கம் ஆகி­ய­வற்­றி­லும் பாதிப்பு ஏற்­படும்," என்­றார் அவர். மத்­திய போதைப்­பொ­ருள் ஒழிப்­புப் பிரிவு, சிங்­கப்­பூர் சிறைச்­சாலை சேவை மற்­றும் ஏனைய அர­சாங்க அமைப்பு­கள் தொடர்ந்து சமூ­கப் பங்­காளி­களு­டன் பணி­யாற்­றும் என்­றார்.