மாணவர் முரசு
இ-பேப்பர்
சிங்கப்பூரின் முன்னாள் தேசிய காற்பந்து வீரரான சலின் மொய்ன் (படம்) நேற்று காலமானார். அவருக்கு வயது 59.
சிங்கப்பூர் காற்பந்துச் சங்கம் நேற்று தனது ஃபேஸ்புக் பக்கத்தில் சலிமின் மறைவு குறித்து ஆழ்ந்த வருத்தத்தைத் தெரிவித்துக்கொண்டது.
"1980களிலிருந்தும் 1990களிலும் தேசிய காற்பந்துக் குழுவில் முக்கியமான மத்திய திடல் ஆட்டக்காரராக மலேசியக் கிண்ணப் போட்டிகள், உலகக் கிண்ண தேர்வுச் சுற்றுப் போட்டிகள் என பல போட்டிகளில் தமது திறமையை வெளிப் படுத்திய சலிமின் மறைவு அதிர்ச்சியையும் கவலையையும் அளிக்கிறது.
"ஓர் ஆட்டக்காரராக ஓய்வு பெற்றவுடன், காற்பந்துச் சங்க அளவில் கோம்பாக் யுனைடெட், பாலஸ்டியர் கல்சா, தெம்பனிஸ் ரோவர்ஸ், உட்லண்ட்ஸ் வெல்லிங்டன் ஆகிய குழுக்களின் பயிற்றுவிப்பாளராகப் பிரகாசித்தார்," என்று சிங்கப்பூர் காற்பந்துச் சங்கம் தெரிவித்தது.
ஹவ்காங் யுனைடெட் குழுவில் தலைமைப் பயிற்றுவிப்பாளராக 2015ல் திரும்பிய சலிம், அதன் விளையாட்டாளர்களின் திறன் மேம்பாட்டில் முக்கிய பங்கு வகித்துள்ளார்.
கடந்த ஆண்டு சிங்கப்பூர் லீக் போட்டியில் ஹவ்காங் யுனைடெட் ஐந்தாம் இடத்தில் முடித்து பாராட்டு பெற்றதற்கு சலிம் முக்கிய தூணாக விளங்கினார் என்று அந்தச் சங்கம் தனது அறிக்கையில் கூறியது.