இழப்பைக் குறைத்துள்ளது சிங்கப்பூர் ஏர்லைன்ஸ்

சிங்கப்பூர் ஏர்லைன்ஸ் (எஸ்ஐஏ) கடந்த வாரம் தொடங்கிய பயிற்சித் திட்டங்களில் பங்கெடுக்க 50க்கும் மேற்பட்ட அமைப்புகள் ஆர்வம் காட்டியுள்ளன.

பயிற்சித் திட்டங்களை வடிவமைக்கவும் வாடிக்கையாளர் சேவை போன்ற பிரிவுகளில் ஊழியர்களை மேம்படுத்தவும் நிறுவனங்களுக்கு எஸ்ஐஏ பயிற்சி அளிக்கும்.

இந்தத் தகவலை சிங்கப்பூர் ஏர்லைன்ஸ் தலைமை நிர்வாகி கோ சூன் பூங் நேற்று வெளியிட்டார்.

எப்ரல் மாதத்திலிருந்து செப்டம்பர் மாதம் வரை சிங்கப்பூர் ஏர்லைன்ஸ் கிட்டத்தபட்ட $3.5 பில்லியன் இழப்பைப் பதிவு செய்தது.

இந்தச் சவாலை எதிர்கொள்ள சிங்கப்பூர் ஏர்லைன்ஸ் குழுமத்தின் வர்த்தக உத்தியை திரு கோ அறிவித்தார்.

கொரோனா நெருக்கடிநிலையால் ஏற்பட்டுள்ள பாதிப்பைச் சமாளிக்க சிங்கப்பூர் ஏர்லைன்சின் புத்தாக்க அணுகுமுறைகளில் புதிய பயிற்சித் திட்டங்களும் அடங்கும் என்றார் அவர்.

செலவுகளைக் குறைக்கவும் வருமானத்தை அதிகரிக்கவும் நடவடிக்கைகளை சிங்கப்பூர் ஏர்லைன்ஸ் எடுத்து வருகிறது.

அண்மையில், அதன் A-380 ரக விமானங்களை அது உணவகங்களாக மாற்றியது.

அதற்கு அமோக வரவேற்பு கிடைத்தது.

இத்தகைய நடவடிக்கைகளின் மூலம் சிங்கப்பூர் ஏர்லைன்ஸ் அதன் மாத இழப்பைக் குறைத்துள்ளது. கடந்த ஜூலை மாதத்தில் ஏறத்தாழ $350 மில்லியன் இழப்பை அது பதிவு செய்தது. அந்த எண்ணிக்கை தற்போது $300 மில்லியனுக்குக் குறைந்துள்ளது.

தொடர்ந்து துடிப்புடனும் நீக்குப்போக்குடனும் இருந்து வாய்ப்புகளைத் தேடப்போவதாக திரு கோ தெரிவித்தார்.

கொவிட்-19 நெருக்கடிநிலையால் பயணிகள் எண்ணிக்கை படுவீழ்ச்சி கண்டது. இதன் காரணமாகவே கடந்த ஏப்ரல் மாதத்திலிருந்து செப்டம்பர் மாதம் வரை சிங்கப்பூர் ஏர்லைன்சுக்கு பெரும் இழப்பு ஏற்பட்டது.

கொவிட்-19 நெருக்கடிநிலைக்கு முன்பு இருந்த பயணிகள் எண்ணிக்கையில் 9.5 விழுக்காடு பயணிகளை மட்டுமே சிங்கப்பூர் ஏர்லைன்ஸ் கடந்த மாதம் பதிவு செய்தது.

இந்த ஆண்டு இறுதிக்குள் இந்த எண்ணிக்கையை 16 விழுக்காட்டுக்கு உயர்த்த சிங்கப்பூர் ஏர்லைன்ஸ் இலக்கு கொண்டுள்ளது.

பய­ணி­க­ளின் எண்­ணிக்கை குறைந்­தி­ருப்­ப­தால் ஏற்­பட்­டுள்ள வரு­மான இழப்பை ஈடு­கட்ட, சரக்­குப் போக்­கு­வ­ரத்­தில் சிங்­கப்­பூர் ஏர்­லைன்ஸ் கவ­னம் செலுத்தி வரு­கிறது.

பாதி அளவு மட்­டுமே நிரம்­பி­யுள்ள விமா­னங்­களில் கூடு­தல் சரக்­கு­களை ஏற்­றிச் செல்ல இருக்­கை­களை அகற்­றி­ய­தாக தெரி­விக்­கப்­பட்­டது.

கொவிட்-19 பரி­சோ­த­னை­க­ளின் முடி­வு­க­ளைத் தற்­போது விரை­வா­கப் பெற முடி­வ­தால் கூடு­தல் பய­ணி­கள் விமா­னங்­களில் பய­ணம் செய்­யும் காலம் விரை­வில் வரக்­கூ­டும் என்று திரு கோ நம்­பிக்கை தெரி­வித்­துள்­ளார்.

"அனைத்துப் பயண ஏற்­பா­டு­களும் மேம்­பட்ட மருத்­து­வப் பரி­சோ­த­னை­க­ளுக்கு உட்­பட்டு நடத்­தப்­ப­டு­கின்­றன.

"இத்­த­கைய மருத்­து­வப் பரி­சோ­த­னை­களில் தொடர்ந்து முத­லீடு செய்­வ­தால் விமா­னத்­தில் மேலும் பலர் பய­ணம் செய்­ய­லாம்," என்று திரு கோ தெரி­வித்­தார்.

ஆனால் மீண்­டும் கொரோனா கிரு­மிப் பர­வல் அதி­க­ரித்­தால் இவ்­வ­ளவு நாட்­க­ளாக கண்டு வரப்­படும் முன்­னேற்­றங்­கள் அடி­யோடு அழிந்­து­வி­டும் என்று திரு கோ எச்­ச­ரிக்கை விடுத்­தார்.

இதற்­கி­டையே, தனது நிதி நிலையை வலுப்­ப­டுத்­து­வ­தில் கவ­னம் செலுத்­தப்­போ­வ­தாக சிங்­கப்­பூர் ஏர்­லைன்ஸ் கூறி­யது.

தனது விமா­னங்­களை விற்­பது அல்­லது குத்­த­கைக்கு விடு­வது போன்ற நட­வ­டிக்­கை­க­ளின்­கீழ் வரு­மா­னம் ஈட்ட அது திட்­ட­மிட்­டுள்­ளது.

சுற்­றுப்­பு­றத்­துக்கு ஏற்­பு­டைய பய­ணங்­க­ளுக்கு ஏற்­பாடு செய்­ய­வும் அது முடி­வெ­டுத்­துள்­ளது. இத­னால் செல­வி­னங்­களும் குறை­யும் என்று அது கூறி­யது.