தேசிய சேவையாளர்களுக்கு விரைவில் திறன் பயிற்சி

நிச்­ச­ய­மற்ற பொரு­ளி­யல் சூழல் நில­வி­வ­ரும் வேளை­யில், தேசிய சேவை­யா­ளர்­கள் விரை­வில் திறன் பயிற்­சித் திட்­டங்­க­ளைப் பயன்­படுத்த முடி­யும். சாஃப்ரா அமைப்பு, அர­சாங்க அமைப்­பு­கள், கல்­விக் கழ­கங்­கள் ஆகி­ய­வற்­றின் கூட்டு முயற்­சி­யின் மூலம் இது சாத்­தி­ய­மா­கும் என்று தற்­காப்பு மூத்த துணை அமைச்­சர் ஸாக்கி முகம்­மது நேற்று தெரி­வித்­தார்.

இதன் தொடர்­பி­லான திறன் பயிற்­சித் திட்­டங்­களை வழங்க சிங்­கப்­பூர் ஊழி­ய­ரணி, ஸ்கில்ஸ்­ஃபி­யூச்­சர் அமைப்­பு­க­ளு­டன் பேச்சு­வார்த்தை நடை­பெற்று வரு­கிறது.

"தற்­போ­தைய வேலைச் சூழ­லில், கற்­றல் நட­வ­டிக்­கை­களில் ஈடு­படு­வ­தன் மூலம் தேசிய சேவை­யா­ளர்­கள் பல­ன­டை­வர்," என்­றார் சாஃப்ரா அமைப்­பின் தலை­வ­ரு­மான திரு ஸாக்கி.

சாஃப்ரா தெம்­ப­னிஸ் வளா­கத்­தில் நடை­பெற்ற 'லிபர்ட்டி சாஃப்ரா ஸ்விம் ஃபார் ஹோப்' நிகழ்ச்­சி­யில் செய்­தி­யா­ளர்­க­ளி­டம் பேசிய அவர், அடுத்த ஐந்து ஆண்­டு­களில் தேசிய சேவை­யா­ளர்­க­ளுக்­கும் அவர்­க­ளது குடும்­பங்­க­ளுக்­கு­மான திட்­டங்­களை அறி­வித்­தார்.

1,400க்கும் அதி­க­மான தேசிய சேவை­யா­ளர்­கள், தொண்­டூ­ழி­யர்­கள் ஈடு­ப­டுத்­தப்­பட்ட ஓராண்­டு­கால உத்­தி­பூர்வ மறு­ஆய்­வுக்­குப் பிறகு இவை அறி­விக்­கப்­பட்­டுள்­ளன. தேசிய சேவை­யா­ளர்­க­ளுக்­கான பாடப் பிரி­வு­கள், சாஃப்ரா­வின் பர­வ­லான திட்­டங்­கள் குறித்த விவ­ரங்­கள் இன்­ன­மும் சரி­செய்­யப்­பட்டு வரு­கின்றன.